ເຈົ້າໜ້າທີ່ຢູເນັສໂກ ກ່າວວ່າ ຈີນແລະອາຊຽນສາມາດຮ່ວມກັນຮ້ອງຂໍເຂົ້າໃນບັນຊີລາຍຊື່ມໍລະດົກວັດທະນະທຳບໍ່ແມ່ນວັດຖຸ
ຕາມຂ່າວສານຊິນຮວາ: ໃນຊຸມປີຜ່ານມານີ້, ອົງການຢູເນັສໂກ ສະຫະປະຊາຊາດ ໄດ້ເພີ່ມຄວາມເຂັ້ມງວດຢ່າງບໍ່ຢຸດຢັ້ງໃນວຽກງານການຮ້ອງຂໍເຂົ້າໃນບັນຊີລາຍຊື່ມໍລະດົກວັດທະນະທຳບໍ່ແມ່ນວັດຖຸ, ໃນເວທີປຶກສາຫາລືວັດທະນະທຳຈີນ-ອາຊຽນ 2013 ທີ່ສິ້ນສຸດລົງໃນວັນທີ 11 ກັນຍາທີ່ນະຄອນໜານໜິງເຂດກວາງຊີ່ຈີນ, ທ່ານຕີມ ຄູຕິສ, ເຈົ້າໜ້າທີ່ອົງການຢູເນັສໂກ ສປຊ ໄດ້ສະເໜີວ່າ: ຈີນແລະອາຊຽນທີ່ມີວັດທະນະທຳຄ້າຍຄືກັນ ສາມາດຮ່ວມກັນຮ້ອງຂໍເຂົ້າໃນບັນຊີລາຍຊື່ມໍລະດົກວັດທະນະທຳບໍ່ແມ່ນວັດຖຸຂອງໂລກ.
ໃນຂອບ "ສົນທິສັນຍາການອະນຸລັກມໍລະດົກວັດທະນະທຳບໍ່ແມ່ນວັດຖຸ", ຈີນ ແລະ 10 ປະເທດອາຊຽນໄດ້ຕັ້ງໜ້າເຂົ້າຮ່ວມວຽກງານ ສາກົນໃນການອະນຸລັກມໍລະດົກວັດທະນະທຳບໍ່ແມ່ນວັດຖຸ ເຊິ່ງລິເລີ່ມໂດຍອົງການຢູເນັສໂກ ສປຊ, ໄດ້ມີ 56 ລາຍການໄດ້ຮັບການອະນຸມັດໃຫ້ບັນຈຶກເຂົ້າໃນບັນຊີລາຍຊື່ມໍລະດົກວັດທະນະທຳບໍ່ແມ່ນວັດຖຸຂອງມວນມະນຸດຈາກອົງການຢູເນັສໂກ ຕາມໆກັນ.
