ຄະນະລັດຖະບານຈີນໄດ້ເປີດເຜີຍແຜນການເຄື່ອນໄຫວປ້ອງກັນແລະຄຸ້ມຄອງມົນລະພິດທາງອາກາດເຊິ່ງມີ10ມາດຕະການເພື່ອຊຸກຍູ້ການປັບປຸງຄຸນນະພາບຂອງອາກາດ
ເມື່ອບໍ່ດົນມານີ້,ຄະນະລັດຖະບານຈີນໄດ້ເປີດເຜີຍແຜນການເຄື່ອນໄຫວປ້ອງກັນແລະຄວບຄຸມມົນລະພິດທາງອາກາດເຊິ່ງເປັນການຊີ້ນໍາການເຄື່ອນໄຫວຂອງວຽກງານປ້ອງກັນແລະຄຸ້ມຄອງມົນລະພິດທາງອາກາດທົ່ວປະເທດຈີນໃນປະຈຸບັນແລະໃນອະນາຄົດ.
ແຜນການເຄື່ອນໄຫວຈະດໍາເນີນການຄວບຄຸມທີ່ແບ່ງເຂດແຄວ້ນແລະຂັ້ນຕອນບົນຫລັກການຜູ້ໃດສ້າງມົນລະພິດ,ຜູ້ນນັ້ນຕ້ອງຮັບຜິດຊອບ;ຜູ້ທີ່ປ່ອຍສານພິດຫລາຍຈະມີຄວາມຮັບຜິດຊອບຫາບງອະນາຄົດຫລາຍ;ການປະຢັດພະລັງງານແລະຫລຸດຈໍານວນການປ່ອຍມົນລະພິດອອກຈະໄດ້ຮັບການໃຊ້ແທນຄືນ.
ແຜນການເຄື່ອນໄຫວໄດ້ສະເໜີວ່າ,ພາຍໃຕ້ຄວາມພະຍາຍາມເປັນເວລາ5ປີ,ໄດ້ເຮັດໃຫ້ຄຸນນະພາບອາກາດທົ່ວປະເທດຈີນໄດ້ຮັບການປັບປຸງໂດຍລວມ,ອາກາດທີ່ມີມົນລະພິດຮ້າຍແຮງໄດ້ຫລຸດລົງເປັນຈໍານວນຫລາຍ;ຄຸນນະພາບອາກາດຂອງນະຄອນຫລວງປັກກິ່ງ,ນະຄອນທ່ຽນຈີ່ນ,ແຂວງເຫີເປ,ເຂດສາມຫລ່ຽມແມ່ນໍ້າຢາງຊີກກຽງ,ເຂດສາມຫລ່ຽມແມ່ນໍ້າຈູ່ຈ່ຽງແລະບ່ອນອື່ນໆໄດ້ຮັບການປັບປຸງໃຫ້ດີຂຶ້ນຢ່າງຊັດເຈນ.ພະຍາຍາມຫລຸດຜ່ອນອາກາດມົນລະພິດທີ່ຮ້າຍແຮງລົງເທື່ອລະກ້າວເພື່ອເຮັດໃຫ້ຄຸນນະພາບຂອງອາກາດທົ່ວປະເທດຈີນໄດ້ຮັບການປັບປຸງໃຫ້ດີຂຶ້ນຢ່າງຊັດເຈນໃນເວລາ5ປີຫລືຫລາຍກວ່ານັ້ນ.
