ກອງປະຊຸມສຸດຍອດອົງການຮ່ວມມືຊຽງໄຮຈັດຂຶ້ນຢູ່ບິສເຄັກ, ທ່ານສີຈິ້ນຜີງເຂົ້າຮ່ວມກອງປະຊຸມດັ່ງກ່າວ
(GMT+08:00) 2013-09-13 15:45:15 cri
ວັນທີ 13 ກັນຍານີ້, ກອງປະຊຸມຄັ້ງທີ 13 ຂອງສະພາມົນຕີປະມຸກລັດຂອງປະເທດສະມາຊິກອົງການຮ່ວມມືຊຽງໄຮໄດ້ຈັດຂຶ້ນຢູ່ນະຄອນຫຼວງບິສເຄັກຂອງກຽກກິດສະຖານ,ໂດຍ ທ່ານອາມັສເບັກ ອາຕາມບາເຢັຟ, ປະທານາທິບໍດີກຽກກິດສະຖານເປັນປະທານຈັດກອງປະຊຸມ. ຫົວຂໍ້ຕົ້ນຕໍຂອງກອງປະຊຸມສຸດຍອດອົງການຮ່ວມມືຊຽງໄຮເທື່ອນີ້ແມ່ນຄົ້ນຄວ້າແລະຈັດວາງມາດຕະການທີ່ເຮັດໃຫ້ການພົວພັນການຮ່ວມມືມິດຕະພາບທີ່ເປັນບ້ານໃກ້ເຮືອນຄຽງທີ່ດີຕໍ່ກັນລະຫວ່າງປະເທດສະມາຊິກລົງສູ່ລວງເລິກຕື່ມອີກ, ແລກປ່ຽນຄວາມເຫັນກ່ຽວກັບບັນຫາພາກພື້ນແລະສາກົນທີ່ສຳຄັນແລະປະສານງານຫຼັກໝັ້ນຂອງປະເທດຕ່າງໆ.
ທ່ານສີຈິ້ນຜີງ, ປະທານປະເທດຈີນໄດ້ກ່າວຄຳປາໄສສຳຄັນໃນກອງປະຊຸມສຸດຍອດດັ່ງກ່າວ, ໄດ້ບັນລະຍາຍຈຸດຢືນຂອງຈີນກ່ຽວກັບການລົງເລິກການພົວພັນມິດຕະພາບທີ່ເປັນບ້ານໃກ້ເຮືອນຄຽງທີ່ດີຕໍ່ກັນລະຫວ່າງປະເທດສະມາຊິກຕື່ມອີກແລະການຮ່ວມມືຢ່າງແທ້ຈິງໃນຂົງເຂດຕ່າງໆ.
ທ່ານສີຈິ້ນຜີງ, ປະທານປະເທດຈີນໄດ້ກ່າວຄຳປາໄສສຳຄັນໃນກອງປະຊຸມສຸດຍອດດັ່ງກ່າວ, ໄດ້ບັນລະຍາຍຈຸດຢືນຂອງຈີນກ່ຽວກັບການລົງເລິກການພົວພັນມິດຕະພາບທີ່ເປັນບ້ານໃກ້ເຮືອນຄຽງທີ່ດີຕໍ່ກັນລະຫວ່າງປະເທດສະມາຊິກຕື່ມອີກແລະການຮ່ວມມືຢ່າງແທ້ຈິງໃນຂົງເຂດຕ່າງໆ.
