ລັດຖະມົນຕີການຕ່າງປະເທດມາເລເຊຍກ່າວວ່າ ການພົວພັນຄູ່ຮ່ວມມືຍຸດທະສາດໄດ້ຊຸກຍູ້ການພັດທະນາຂອງການຮ່ວມມືລະຫວ່າງຈີນກັບອາຊຽນ
ເມື່ອບໍ່ດົນມານີ້,ທ່ານດາໂຕ ອານີຟາ ບິນ ຮາຈີ ອາມານ,ລັດຖະມົນຕີວ່າການກະຊວງການຕ່າງປະເທດມາເລເຊຍກ່າວວ່າ,ການພົວພັນລະຫວ່າງຈີນແລະອາຊຽນໄດ້ມີພື້ນຖານທີ່ໜັກແໜ້ນ,ການພົວພັນຄູ່ຮ່ວມມືຍຸດທະສາດຂອງສອງຝ່າຍໄດ້ຊຸກຍູ້ການພັດທະນາຂອງການຮ່ວມມືລະຫວ່າງຈີນກັບອາຊຽນຕື່ມອີກ.
ທ່ານອານີຟາກ່າວຕື່ມວ່າ,ຄາດວ່າໃນອະນາຄົດ,ຈີນຈະສືບຕໍ່ເປັນຄູ່ການຄ້າໃຫຍ່ທີ່ສຸດຂອງອາຊຽນ.ການສືບຕໍ່ພັດທະນາການພົວພັນສອງຝ່າຍກັບຈີນເປັນຂໍ້ກະແຈທີ່ສໍາຄັນຕໍ່ອາຊຽນ.ພ້ອມນັ້ນ,ທ່ານຍັງໄດ້ກ່າວວ່າ,ການພົວພັນທາງດ້ານເສດຖະກິດແລະການຮ່ວມມືທີ່ມີລັກພາລະໜ້າທີ່ລະຫວ່າງຈີນກັບອາຊຽນຈະສືບຕໍ່ມີທ່າອ່ຽງຂະຫຍາຍຕົວທີ່ດີ.
ທ່ານອານີຟາເຫັນວ່າ,ໃນບັນດາຄູ່ເຈລະຈາທັງໝົດຂອງອາຊຽນ,ການຮ່ວມມືທີ່ມີລັກສະນະພາລະໜ້າທີ່ລະຫວ່າງຈີນແລະອາຊຽນອາດຈະແມ່ນຕັ້ງໜ້າທີ່ສຸດ.ຈີນມີຫົວຄິດປະດິດສ້າງຫລາຍທີ່ສຸດໃນດ້ານການສະແຫວງຫາຮູບແບບໃໝ່ແລະຍືນຍົງເພື່ອເພີ່ມທະວີການຮ່ວມມື.
ຕໍ່ບັນຫາທະເລຈີນໃຕ້,ທ່ານອານີຟາກ່າວວ່າ,ເຈົ້າໜ້າທີ່ທີ່ກ່ຽວຂ້ອງຄວນຮັກສາການສົນທະນາແລະການປຶກສາຫາລືກັນ,ແກ້ໄຂຂໍ້ຂັດແຍ້ງກ່ຽວກັບອະທິປະໄຕທາງດ້ານຜືນແຜ່ນດິນ,ສິດແລະຜົນປະໂຫຍດທາງດ້ານທະເລດ້ວຍຄວາມທຸ່ນທ່ຽງແລະມີເຫດຜົນໂດຍຜ່ານການປຶກສາຫາລືແລະການເຈລະຈາກັນ.ພ້ອມນັ້ນ,ຈີນແລະອາຊຽນຄວນສືບຕໍ່ສົ່ງສັນຍານທີ່ລະອຽດໃຫ້ແກ່ພາຍນອກ ຄືການຮ່ວມມືສອງຝ່ານແມ່ນມີຫລາຍດ້ານ,ບໍ່ແມ່ນວ່າຕົກລົງໂດຍຫົວຂໍ້ອັນໃດອັນໜຶ່ງເທົ່ານັ້ນ.
