ຍີ່ປຸ່ນຈະໃຫ້ເງິນກູ້54ຕື້ເຢັນແກ່ຫວຽດນາມເພື່ອນໍາໃຊ້ເຂົ້າໃນການກໍ່ສ້າງພື້ນຖານໂຄງລ່າງ
(GMT+08:00) 2013-09-13 16:30:44 cri
ສໍານັກຂ່າວສານກຽວໂຕຍີ່ປຸ່ນລາຍງານຂ່າວວ່າ,ວັນທີ12ກັນຍານີ້,ທ່ານຟູມິໂອ ກິຊິດາ,ລັດຖະມົນຕີວ່າການກະຊວງການຕ່າງປະເທດຍີ່ປຸ່ນໄດ້ເຂົ້າຮ່ວມກອງປະຊຸມກໍາມາທິການການຮ່ວມມືຍີ່ປຸ່ນ-ຫວຽດນາມຄັ້ງທີ5ທີ່ຈັດຂຶ້ນຢູ່ໂຕກຽວ.ທ່ານຟູມິໂອກ່າວໃນກອງປະຊຸມວ່າ,ຍີ່ປຸ່ນຈະໃຫ້ເງິນກູ້ປະມານ54ຕື້ເຢັນແກ່ຫວຽດນາມເພື່ອຊຸກຍູ້ການກໍ່ສ້າງພື້ນຖານໂຄງລ່າງຂອງຫວຽດນາມ.ບົດລາຍງານຍັງໄດ້ກ່າວວ່າ,ການທະທໍາດັ່ງກ່າວຂອງລັດຖະບານຍີ່ປຸ່ນມີຈຸດປະສົງເພື່ອ"ກົດໜ່ວງຈີນທີ່ດໍາເນີນການເຄື່ອນໄຫວດ້ານທະເລທີ່ນັບມື້ນັບຫລາຍຂຶ້ນ"ໂດຍຜ່ານການສະແດງອອກໃຫ້ເຫັນການເພີ່ມທະວີການຮ່ວມມືລະຫວ່າງຍີ່ປຸ່ນກັບຫວຽດນາມ.ລາຍງານຂ່າວແຈ້ງວ່າ,ທ່ານຟູມິໂອໄດ້ເວົ້າເຖິງໂຄງການໃຫ້ເງິນກູ້ຕ່າງໆເຊັ່ນໂຄງການກໍ່ສ້າງອາຄານຜູ້ໂດຍສານສາກົນຂອງສະໜາມບິນນ໋ອຍບາຍຂອງນະຄອນຫລວງຮາໂນຍຫວຽດນາມ,ໂຄງການຊ່ວຍເຫລືອເພີ່ມສໍາລັບເຂື່ອນໄຟຟ້ານໍ້າຕົກທີ່ຢູ່ພາກໃຕ້ຂອງຫວຽດນາມແລະອື່ນໆ.ຫລັງຈາກນັ້ນ,ທ່ານຟູມີໂອແລະທ່ານຟາມບິງມິງຍັງໄດ້ຈັດການເຈລະຈາລະດັບລັດຖະມົນຕີການຕ່າງປະເທດຢູ່ໂຕກຽວເພື່ອຢືນຢັນການເພີ່ມທະວີການພົວພັນລະຫວ່າງສອງປະເທດໃນຂົງເຂດຄວາມໝັ້ນຄົງແຫ່ງຊາດ.
