ງານວາງສະແດງຮູບພາບມໍລະດົກໂລກອັງກໍກໍາປູເຈຍໄດ້ຈັດຂຶ້ນຢູ່ວັງລະດູຮ້ອນຂອງນະຄອນຫລວງປັກກິ່ງ
ເພື່ອສະເຫລີມສະຫລອງການສ້າງສາຍພົວພັນທາງການທູດລະຫວ່າງຈີນກັບກໍາປູເຈຍຄົບຮອບ55ປີແລະເພີ່ມທະວີການແລກປ່ຽນທາງດ້ານວັດທະນະທໍາລະຫວ່າງສອງປະເທດ,ວັນທີ14ກັນຍານີ້,ງານວາງສະແດງຮູບພາບມໍລະດົກໂລກອັງກໍລາຊະອານາຈັກກໍາປູເຈຍທີ່ຈັດໂດຍສະມາຄົມປະຊາຊົນປັກກິ່ງເພື່ອມິດຕະພາບກັບຕ່າງປະເທດ,ວິທະຍຸສາກົນແຫ່ງປະເທດຈີນ,ວັງລະດູຮ້ອນຢີເຮີຢວນແລະກົມຄຸ້ມຄອງອັງກໍລາຊະອານາຈັກກໍາປູເຈຍໄດ້ໄຂຂຶ້ນຢູ່ວັງລະດູຮ້ອນຂອງນະຄອນຫລວງປັກກິ່ງ.
ງານວາງຮູບພາບຄັ້ງນີ້ໄດ້ຈັດຂຶ້ນຢູ່ຄັນຄູລຽບຝັ່ງຕາເວັນອອກຂອງໜອງຄູນໝິງໃນວັງລະດູຮ້ອນເຮີລະດູະນະກິ່ງເພື່ອມິດຕະພາບກັບຕ່າງປະເທດແລະຈະດໍາເນີນໄປຮອດວັນທີ14ຕຸລານີ້.ງານວາງສະແດງຮູບພາບຄັ້ງນີ້ໄດ້ວາງສະແດງຮູບພາບທີ່ສວຍງາມປະນີດຂອງກຸ່ມສະຖານທີ່ບູຮານຢູ່ອັງກໍແຂວງສຽມລຽບຂອງກໍາປູເຈຍ100ແຜ່ນເຊິ່ງລວມທັງອັງກໍ,ວັດບານແຕອີ ສະໄລແລະວັດຕາ ປະຣອມ,ຍັງມີວັດຕາແກ້ວ,ວັດເຈົ້າຊາຍເຕວໍດາແລະທົມມານນົນແລະອື່ນໆເຊິ່ງເປັນວັດທີ່ໜ່ວຍງານທີ່ນັກວິສະວະກໍາຈີນຮັບຜິດຊອບປະຕິສັງຂອນ.ໃນຖານະທີ່ເປັນໂຄງການແລກປ່ຽນຂອງປີໄມຕີຈິດມິດຕະພາບລະຫວ່າງຈີນກັບກໍາປູເຈຍ,ວັງລະດູຮ້ອນຍັງຈະຈັດການງານສະແດງຮູບພາບຢູ່ວັດບານແຕອີ ສະໄລໃນເຂດທ່ອງທ່ຽວອັງກໍຂອງກໍາປຸເຈຍໃນເດືອນທັນວາປີນີ້.
