ຈີນ-ອາຊຽນປະຕິບັດ"ແຜນການແລກປ່ຽນນັກສຶກສາໃຫ້ໄດ້ຝ່າຍລະແສນຄົນ"ຢ່າງຮອບດ້ານ
ວັນທີ 16 ກັນຍານີ້, ສັບປະດາການແລກປ່ຽນທາງດ້ານການສຶກສາຈີນ-ອາຊຽນຄັ້ງທີ 6 ໄດ້ຈັດຂຶ້ນຢູ່ນະຄອນກຸ້ຍຢາງຂອງຈີນ ເຊິ່ງມີຈຸດປະສົງເພື່ອຊຸກຍູ້ຈີນແລະອາຊຽນດໍາເນີນການຮ່ວມມືອັນຮອບດ້ານແລະຕິດແທດຕົວຈິງໃນຂົງເຂດການສຶກສາ, ປະຕິບັດ"ແຜນການແລກປ່ຽນນັກສຶກສາໃຫ້ໄດ້ຝ່າຍລະແສນຄົນ", ເພີ່ມທະວີການຮ່ວມມືໃນດ້ານອາຊີວະສຶກສາ, ຊຸກຍູ້ການເຊື່ອມໂຍງເຂົ້າກັນດ້ານການສຶກສາຊັ້ນສູງລະຫວ່າງຈີນແລະອາຊຽນ, ບັນລຸການໂອນແລະການຮັບຮອງໜ່ວຍກິດເຊິ່ງກັນແລະກັນລະຫວ່າງໂຮງຮຽນຊັ້ນສູງ,ມະຫາວິທະຍາໄລ ແລະອື່ນໆ.
ທ່ານມາໝິງຊຽງ, ເລຂາທິການໃຫຍ່ສູນຈີນ-ອາຊຽນກ່າວວ່າ, ໃນບາດກ້າວຕໍ່ໄປຈະເພີ່ມທະວີການໂຄສະນາໂອກາດການສຶກສາຂອງຈີນແລະອາຊຽນ, ຊຸກຍູ້ການເຊື່ອມໂຍເຂົ້າກັນຂອງການສຶກສາຊັ້ນສູງລະຫວ່າງຈີນແລະອາຊຽນ, ຮັບໃຊ້ການແລກປ່ຽນແລະການຮ່ວມມືໃນດ້ານການສຶກສາລະຫວ່າງຈີນກັບອາຊຽນຢ່າງແທ້ຈິງ.
"ແຜນການແລກປ່ຽນນັກສຶກສາໃຫ້ໄດ້ຝ່າຍລະແສນຄົນ" ຄືເມື່ອຮອດປີ2020, ຈໍານວນນັກສຶກສາອາຊຽນທີ່ມາຮຽນຢູ່ຈີນແລະນັກສຶກສາຈີນທີ່ໄປຮຽນຢູ່ອາຊຽນລ້ວນແຕ່ຈະໄດ້ບັນລຸເຖິງ1ແສນຄົນ. ມາຮອດທ້າຍປີ2012, ມີຈໍານວນນັກສຶກສາອາຊຽນທີ່ມາຮຽນຢູ່ຈີນໄດ້ຫລາຍກວ່າ 6 ໝື່ນຄົນແລ້ວ, ໃນຂະນະດຽວກັນນນັ້ນນັກສຶກສາຂອງຈີນທີ່ໄປຮຽນຢູ່ອາຊຽນນັ້ນຫລາຍກວ່າ 1,1 ແສນຄົນ.
