ຈີນຮຽກຮ້ອງໃຫ້ຍີ່ປຸ່ນປະເຊີນກັບປະຫວັດສາດແລະສະພາບຄວາມເປັນຈິງຢ່າງຖືກຕ້ອງໃນບັນຫາເກາະຕ້ຽວອີ
ຕາມຂ່າວສານຊິນຮວາ: ໃນກອງປະຊຸມຂ່າວທີ່ຈັດຂຶ້ນໃນວັນທີ 18 ກັນຍານີ້, ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນ ກ່າວວ່າ: ຈີນຮຽກຮ້ອງໃຫ້ຍີ່ປຸ່ນປະເຊີນກັບປະຫວັດສາດແລະສະພາບຄວາມເປັນຈິງຢ່າງຖືກຕ້ອງໃນບັນຫາເກາະຕ້ຽວອີ, ຢຸດຕິການລ່ວງລ້ຳອະທິປະໄຕເໜືອດິນແດນຂອງຈີນ.
ທ່ານຫົງເຫຼີຍ ກ່າວວ່າ: ວັນທີ 11 ກັນຍາປີກາຍນີ້, ຍີ່ປຸ່ນດຳເນີນການເຄື່ອນໄຫວ "ຊື້ເອົາ" ເກາະຕ້ຽວອີຢ່າງຜິດກົດໝາຍ. ການກະທຳຂອງຍີ່ປຸ່ນໄດ້ລ່ວງລ້ຳອະທິປະໄຕເໜືອດິນແດນຂອງຈີນຢ່າງໜັກໜ່ວງ, ເປັນການທ້າທາຍເກາະຜິດຕໍ່ລະບຽບການສາກົນທີ່ກໍ່ຕົວຂຶ້ນຫຼັງ ສົງຄາມໂລກຄັ້ງທີສອງ, ເຮັດໃຫ້ປະຊາຊົນຈີນຮູ້ສຶກຄຽດແຄ້ນທີ່ສຸດ, ແນ່ນອນກໍຖືກປະຊາຊົນຈີນກ່າວປະນາມຢາງຮຸນແຮງ. ພວກຂ້າພະເຈົ້າຮຽກຮ້ອງໃຫ້ຍີ່ປຸ່ນຈົ່ງປະເຊີນກັບປະຫວັດສາດແລະສະພາບຄວາມເປັນຈິງຢ່າງຖືກຕ້ອງໃນບັນຫາເກາະຕ້ຽວອີ, ຢຸດຕິການລ່ວງລ້ຳອະທິປະໄຕເໜືອດິນແດນຂອງຈີນ, ໃຊ້ການກະທຳທີ່ແທ້ຈິງເພື່ອຄວບຄຸມແລະແກ້ໄຂບັນຫາທີ່ກ່ຽວຂ້ອງ, ກຳຈັດອຸປະສັກທີ່ເປັນສິ່ງກີດ ຂວາງຕໍ່ການຂະຫຍາຍການພົວພັນລະຫວ່າງສອງປະເທດ.
