ແຫ່ງຕ່າງໆຂອງຈີນຈັດກິດຈະກຳຕ່າງໆເພື່ອລະລຶກເຫດການ "18 ກັນຍາ" ຄົບຮອບ 82 ປີ
(GMT+08:00) 2013-09-19 15:50:31 cri
ວັນທີ 18 ກັນຍານີ້ ແມ່ນວັນລະລຶກເຫດການ "18 ກັນຍາ" ຄົບຮອບ 82 ປີ, ຢູ່ນະຄອນເສີນຢາງ, ນະຄອນຊີ່ອ່ານ, ນະຄອນຫຼວງປັກກິ່ງ, ນະຄອນນານກິ່ງແລະແຫ່ງອື່ນໆຂອງຈີນໄດ້ຈັດກິດຈະກຳຕ່າງໆເພື່ອລະລຶກເຫດການດັ່ງກ່າວ.
ເວລາ 9 ໂມງ 18 ນາທີຂອງວັນທີ 18 ກັນຍານີ້, ສຽງລະຄັງເຕືອນສັນຍານໄພທີ່ແສບແກ້ວຫູໄດ້ດັງຂຶ້ນຢູ່ສະໜາມຫຼວງສີລາຈາລຶກຊານລີ້ຫໍພິພິທະພັນປະຫວັດສາດເຫດການ "18 ກັນຍາ" ທີ່ນະຄອນເສີນຢາງ. ເວລາ 9 ໂມງ 16 ນາທີ, ປະຊາຊົນຢູ່ສະໜາມຫຼວງໄດ້ຮ່ວມກັນຕຳລະຄັງເຕືອນສັນຍານໄພ 14 ເທື່ອ, ໝາຍເຖິງສົງຄາມປະຊາຊົນຈີນຕໍ່ຕ້ານຍີ່ປຸ່ນໄດ້ດຳເນີນເປັນເວລາ 14 ປີ. ເວລາດຽວກັນ, ວິທະຍຸກະຈາຍສຽງປະຊາຊົນເສີນຢາງແລະໂທລະພາບເສີນຢາງໄດ້ຢຸດລາຍການປົກກະຕິ, ເພື່ອຫັນມາຖ່າຍທອດສຽງລະຄັງສັນຍານໄພແລະຮູບພາບທີ່ມີຕົວໜັງສືຂຽນວ່າ "ຢ່າລືມຄວາມອັບປະຍົດຂອງຊາດ, ສ້າງສາຈີນໃຫ້ຈະເລີນຄືນໃໝ່".
ຕອນເຊົ້າມື້ດຽວກັນ, ເພື່ອລະລຶກເຫດການ "18 ກັນຍາ" ຄົບຮອບ 82 ປີ, ສຽງລະຄັງເຕືອນສັນຍານໄພທີ່ແສບແກ້ວຫູໄດ້ດັງຂຶ້ນຢູ່ທ້ອງຟ້ານະຄອນສີ່ອ່ານ.
ຢູ່ນະຄອນຫຼວງປັກກິ່ງ, ປະຊາຊົນຈຳນວນຫຼວງຫຼາຍໄດ້ພາກັນໄປຮອດຫໍລະລຶກສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນເພື່ອລະລຶກປະຫວັດສາດ. ມື້ດຽວກັນ, ຫໍລະລຶກສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນໄດ້ປະກາດຂໍ້ມູນອັນລ້ຳຄ່າເປັນຄັ້ງທຳອິດກ່ຽວກັບໂທດກຳຂອງຍີ່ປຸ່ນທີ່ຈີ້ເອົາປະຊາຊົນຈີນໄປອອກແຮງງານຢູ່ຍີ່ປຸ່ນ.
ຢູ່ນະຄອນນານກິ່ງ, "ການວາງສະແດງໂທດກຳສັງຫານໂຫດຂອງນາຊີຢູ່ຄ້າຍຄຸມຂັງອົສວິຊິມ" ເລີ່ມວາງສະແດງ. ການວາງສະແດງດັ່ງກ່າວແມ່ນຮ່ວມກັນຈັດຂຶ້ນໂດຍຫໍພິພິທະພັນແຫ່ງຊາດຄ້າຍຄຸມຂັງອົສວິຊິມໂປໂລຍ, ຫໍລະລຶກສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນ, ຫໍລະລຶກຊາວຢິວລີ້ໄພນະຄອນຊຽງໄຮແລະຫໍລະລຶກພີ່ນ້ອງຮ່ວມຊາດທີ່ປະສົບເຄາະຮ້າຍໃນເຫດການສັງຫານໂຫດນະຄອນນານກິ່ງຂອງທະຫານຍີ່ປຸ່ນຮຸກຮານຈີນ.
ເວລາ 9 ໂມງ 18 ນາທີຂອງວັນທີ 18 ກັນຍານີ້, ສຽງລະຄັງເຕືອນສັນຍານໄພທີ່ແສບແກ້ວຫູໄດ້ດັງຂຶ້ນຢູ່ສະໜາມຫຼວງສີລາຈາລຶກຊານລີ້ຫໍພິພິທະພັນປະຫວັດສາດເຫດການ "18 ກັນຍາ" ທີ່ນະຄອນເສີນຢາງ. ເວລາ 9 ໂມງ 16 ນາທີ, ປະຊາຊົນຢູ່ສະໜາມຫຼວງໄດ້ຮ່ວມກັນຕຳລະຄັງເຕືອນສັນຍານໄພ 14 ເທື່ອ, ໝາຍເຖິງສົງຄາມປະຊາຊົນຈີນຕໍ່ຕ້ານຍີ່ປຸ່ນໄດ້ດຳເນີນເປັນເວລາ 14 ປີ. ເວລາດຽວກັນ, ວິທະຍຸກະຈາຍສຽງປະຊາຊົນເສີນຢາງແລະໂທລະພາບເສີນຢາງໄດ້ຢຸດລາຍການປົກກະຕິ, ເພື່ອຫັນມາຖ່າຍທອດສຽງລະຄັງສັນຍານໄພແລະຮູບພາບທີ່ມີຕົວໜັງສືຂຽນວ່າ "ຢ່າລືມຄວາມອັບປະຍົດຂອງຊາດ, ສ້າງສາຈີນໃຫ້ຈະເລີນຄືນໃໝ່".
ຕອນເຊົ້າມື້ດຽວກັນ, ເພື່ອລະລຶກເຫດການ "18 ກັນຍາ" ຄົບຮອບ 82 ປີ, ສຽງລະຄັງເຕືອນສັນຍານໄພທີ່ແສບແກ້ວຫູໄດ້ດັງຂຶ້ນຢູ່ທ້ອງຟ້ານະຄອນສີ່ອ່ານ.
ຢູ່ນະຄອນຫຼວງປັກກິ່ງ, ປະຊາຊົນຈຳນວນຫຼວງຫຼາຍໄດ້ພາກັນໄປຮອດຫໍລະລຶກສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນເພື່ອລະລຶກປະຫວັດສາດ. ມື້ດຽວກັນ, ຫໍລະລຶກສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນໄດ້ປະກາດຂໍ້ມູນອັນລ້ຳຄ່າເປັນຄັ້ງທຳອິດກ່ຽວກັບໂທດກຳຂອງຍີ່ປຸ່ນທີ່ຈີ້ເອົາປະຊາຊົນຈີນໄປອອກແຮງງານຢູ່ຍີ່ປຸ່ນ.
ຢູ່ນະຄອນນານກິ່ງ, "ການວາງສະແດງໂທດກຳສັງຫານໂຫດຂອງນາຊີຢູ່ຄ້າຍຄຸມຂັງອົສວິຊິມ" ເລີ່ມວາງສະແດງ. ການວາງສະແດງດັ່ງກ່າວແມ່ນຮ່ວມກັນຈັດຂຶ້ນໂດຍຫໍພິພິທະພັນແຫ່ງຊາດຄ້າຍຄຸມຂັງອົສວິຊິມໂປໂລຍ, ຫໍລະລຶກສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນ, ຫໍລະລຶກຊາວຢິວລີ້ໄພນະຄອນຊຽງໄຮແລະຫໍລະລຶກພີ່ນ້ອງຮ່ວມຊາດທີ່ປະສົບເຄາະຮ້າຍໃນເຫດການສັງຫານໂຫດນະຄອນນານກິ່ງຂອງທະຫານຍີ່ປຸ່ນຮຸກຮານຈີນ.
