ກໍາປັ່ນບັນທຸກເຮືອບິນຫລຽວໜິງສໍາເລັດໜ້າທີ່ທົດລອງການບິນຢ່າງສະດວກແລະກັບຄືນທ່າເຮືອ
ຕອນເຊົ້າວັນທີ 21 ກັນຍານີ້, ກໍາປັ່ນຫລຽວໜິງທີ່ເປັນກໍາປັ່ນບັນທຸກເຮືອບິນລໍາທໍາອິດຂອງຈີນ ໄດ້ສໍາເລັດໜ້າທີ່ທົດລອງການບິນຕາມກໍານົດ ແລະກັບຄືນທ່າເຮືອທະຫານຢູ່ເມືອງຊີ່ງຕາວຂອງຈີນ.
ການທົດລອງຄັ້ງນີ້ມີເຮືອບິນທີ່ບັນທຸກເທິງກໍາປັ່ນໄດ້ສໍາເລັດການບິນປະເພດຕ່າງໆທັງໝົດຮ້ອຍກວ່າຖ້ຽວລໍາ ແລະໄດ້ໃຫ້ຍົນຮົບ J-15 ທີ່ບັນທຸກເທິງກໍາປັ່ນດໍາເນີນການທົດລອງການບິນຫລາຍລາຍການ ເຊັ່ນການບິນຂຶ້ນດ້ວຍນໍ້າໜັກຫລາຍທີ່ສຸດໃນທາງແລ່ນສັ້ນແລະທາງແລ່ນຍາວ, ການສະກັດກັ້ນເຮືອບິນລົງຈອດກໍາປັ່ນດ້ວຍນໍ້າໜັກຫລາຍທີ່ສຸດ, ການບິນຂຶ້ນແລະລົງຈອດດ້ວຍອາວຸດຫລາຍຊະນິດ ແລະອື່ນໆ ໄດ້ສໍາເລັດການບິນຂຶ້ນແລະລົງຈອດຢ່າງລຽນຕິດໃນເວລາສັ້ນດ້ວຍຜົນຫລາຍຊະນິດແລະຫລາຍລໍາດ້ວຍສະພາບອາກາດທີ່ສັບສົນ. ລະບຽບການບັນຊາການບິນເທິງກໍາປັ່ນໄດ້ຮັບການປັບປຸງໃຫ້ດີຂຶ້ນຕື່ມອີກ, ລະບຽບການປະຕິບັດໜ້າທີ່ຢູ່ດາດຟ້າຂອງກໍາປັ່ນໄດ້ຮັບການທົດສອບຢ່າງເຕັມສ່ວນ.
ການເດີນເຮືອຄັ້ງນີ້ເປັນການທົດລອງການເດີນເຮືອທີ່ມີເວລາດົນທີ່ສຸດ ແລະໄລຍະທາງການເດີນເຮືອໄກທີ່ສຸດນັບແຕ່ກໍາປັ່ນຫລຽວໜິງໄດ້ເດີນເຮືອເປັນຄັ້ງທໍາອິດເປັນຕົ້ນມາ.
