ຈີນແລະມຽນມາຈັດງານສໍາມະນາກ່ຽວກັບການປູກເຂົ້ານາແລະການພັດທະນາແບບຍືນຍົງຂອງຊົນນະບົດ
ອາທິດແລ້ວນີ້, "ງານສໍາມະນາວ່າດ້ວຍການຄົ້ນຄວ້າກ່ຽວກັບການພັດທະນາແບບຍືນຍົງຂອງເຂົ້ານາແລະຮູບແບບທຸລະກິດເຂົ້າສານແບບສາຍໂສ້" ໄດຈັດຂຶ້ນຢູ່ນະຄອນຫາງໂຈ່ວ ແຂວງເຈີ້ຈ່ຽງຂອງຈີນ ມີຜູ້ຕາງໜ້າ 12 ຄົນທີ່ມາຈາກລັດຖະບານ, ສະມາຄົມກະສິກອນ, ສະຫະກອນ ຊົນນະບົດແລະອົງການທີ່ບໍ່ຂຶ້ນກັບລັດຖະບານຂອງມຽນມາ ກັບຊ່ຽວຊານນັກວິຊາການດ້ານກະສິກໍາ, ຜູ້ຕາງໜ້າ ຂອງຄອບຄົວປູກເຂົ້ານາ ແລະອື່ນໆຂອງຈີນ ໄດ້ຄົ້ນຄວ້າແລະປຶກສາຫາລືກັນກ່ຽວກັບບັນຫາຕ່າງໆ ເຊັ່ນການປູກເຂົ້ານາຢູ່ມຽນມາ, ການພັດທະນາແບບຍືນຍົງຂອງເຂດຊຸມຊົນຊົນນະບົດຂອງມຽນມາ ແລະອື່ນໆ.
ງານສໍາມະນາຄັ້ງນີ້ຈັດໂດຍສະຖາບັນຄົ້ນຄວ້າສະພາບແວດລ້ອມທົ່ວໂລກ ຫລື GEI ເຊິ່ງເປັນອົງການຈັດຕັ້ງທີ່ບໍ່ຂຶ້ນກັບລັດຖະບານຂອງຈີນ ເຊິ່ງມີເນື້ອໃນລວມທັງຜົນກະທົບ ຂອງໂລກາພິວັດຕໍ່ຊາວກະຊິກອນນ້ອຍ, ນະໂຍບາຍກ່ຽວກັບເຂົ້ານາ, ການທະນາຄານຢູ່ຊົນນະບົດ, ການຮັບຮອງຜະລິດຕະພັນກະສິກໍາປອດສານເຄມີ, ການຮັບຮອງການຄ້າທີ່ຍຸຕິທໍາ ແລະບັນຫາທີ່ກ່ຽວກັບສາຍໂສ້ຄຸນຄ່າເຂົ້ານາ ເຊິ່ງລວມທັງການປູກເຂົ້ານາ, ການປຸງແຕ່ງແລະຈໍາໜ່າຍເຂົ້າສານ ແລະອື່ນໆ, ຝ່າຍຈັດຕັ້ງງານສໍາມະນາຄັ້ງນີ້ຍັງໄດ້ຈັດຕຕັ້ງໃຫ້ຄະນະຜູ້ແທນໄປທັດສະນະສຶກສາຢູ່ຊົນນະບົດຂອງແຂວງເຈີ້ຈ່ຽງຂອງຈີນ.
