ທ່ານຫວາງອີ້ພົບປະເຈລະຈາກັບທ່ານເຄຣີ
(GMT+08:00) 2013-09-22 10:15:49 cri
ວັນທີ 19 ກັນຍານີ້, ທ່ານຫວາງອີ້ ລັດຖະມົນຕີວ່າການກຊະວງການຕ່າງປະເທດຈີນໄດ້ພົບປະເຈລະຈາກັບທ່ານຈອອ ເຄີຣີ ລັດຖະມົນຕີວ່າການກະຊວງການຕ່າງປະເທດອາເມລິກາຢູ່ທີ່ນະຄອນຫລວງວໍຊິງຕັນຂອງອາເມລິກາ.
ທ່ານຫວາງອີ້ຊີ້ອອກວ່າ, ການສ້າງການພົວພັນລະຫວ່າງຈີນກັບອາເມລິກາໃຫ້ເປັນການພົວພັນລະຫວ່າງປະເທດໃຫຍ່ແບບໃຫມ່ແມ່ນທາງເລືອກດ້ານຍຸດທະສາດຂອງສອງຝ່າຍທີ່ອີງໃສ່ສະພາບການຂອງໂລກ, ສະພາບການແຫ່ງຊາດຂອງຕົນແລະສະພາບການພັດທະນາຂອງການພົວພັນສອງປະເທດ,ມີຊ່ອງຫວ່າງແລະກຳລັງບົ່ມຊ້ອນໃນການພັດທະນາອັນທະຫາສານ. ສິ່ງສຳຄັນນັ້ນແມ່ນ, ສອງຝ່າຍຄວນຊຸກຍູ້ໃຫ້ການພົວພັນແບບໃຫມ່ບັນລຸຜົນເປັນຈິງດ້ວຍການເຄື່ອນໄຫວຕົວຈິງແລະການຮ່ວມມືລະອຽດ.ສອງຝ່າຍໄດ້ແລກ ປ່ຽນຄວາມເຫັນກ່ຽວກັບການຮັກສາການໄປມາຫາສູ່ກັນໃນລະດັບສູງລະຫວ່າງສອງຝ່າຍ, ການແກ້ໄຂບັນຫາທີ່ອ່ອນໄຫວຢ່າງເຫມາະສົມແລະຊຸກຍູ້ການຮ່ວມມືແບບຕ່າງຝ່າຍຕ່າງມີຜົນປະໂຫຍດໃນທຸກຂົງເຂດ.
ກ່ຽວກັບບັນຫາຊີຣີ, ທ່ານຫວາງອີ້ກ່າວເນັ້ນວ່າ, ຈີນຄັດຄ້ານປະເທດໃດໆແລະບຸກຄົນໃດໆທີ່ໄດ້ນຳໃຊ້ອາວຸດເຄມີ,ຊົມເຊີຍອາເມລິກາແລະຣັດເຊຍທີ່ໄດ້ກ້າວເຖິງຂັ້ນເຊັນສັນຍາຂອບກ່ຽວກັບບັນຫາອາວຸດເຄມີຂອງຊີຣີ. ປັດຈຸບັນ, ຕ້ອງການໃຫ້ປະຊາຄົມໂລກມີຄວາມເຫັນເປັນເອກະສັນກັນກ່ຽວກັບບັນຫານີ້ໂດຍໄວ, ເພື່ອເສີມຂະຫຍາຍບົດບາດຂອງອົງການເກືອດຫ້າມອາວຸດເຄມີແລະສະພາມົນຕີຄວາມຫມັ້ນຄົງສະຫະປະຊາຊາດ.ບັນຫາຊີຣີຍັງຄວນໄດ້ຮັບການແກ້ໄຂດ້ວຍທາງການເມືອງໃນທີ່ສຸດ, ຈີນຍິນດີສືບຕໍ່ເສີມຂະຫຍາຍບົດບາດທີ່ມີລັກສະສະສ້າງສັນເພື່ອບັນຫານີ້.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບສະຖານະການຫລ້າສຸດຂອງບັນຫານິວເຄຼຍແຫລມເກົາຫລີ, ແລະໄດ້ມີການຄົ້ນຄວ້າຢ່າງມີຜົນດີກ່ຽວກັບການເຮັດແນວໃດຈັດການເຈລະຈາ 6 ຝ່າຍຄືນໃຫມ່.
