ເລຂາທິການໃຫຍ່ອົງການສະຫະປະຊາຊາດແລະສັນນິບາດປະເທດອາຣັບຮຽກຮ້ອງໃຫ້ຍຸດຕິການປະທະກັນຢູ່ຊີຣີໂດຍໄວ
ວັນທີ 22 ກັນຍານີ້, ທ່ານບານກີມູນ, ເລຂາທິການໃຫຍ່ອົງການສະຫະປະຊາຊາດ ໄດ້ພົບປະກັບທ່ານ ນາບີນ ເອນ-ອາຣາບີ, ເລຂາທິການໃຫຍ່ສັນນິບາດປະເທດອາຣັບຢູ່ສໍານັກງານໃຫຍ່ຂອງອົງການສະຫະປະຊາຊາດຢູ່ນະຄອນນິວຢອກ. ສອງຝ່າຍໄດ້ກ່າວເນັ້ນວ່າຄວນ ຍຸດຕິການປະທະກັນແບບນອງເລືອດຢູ່ຊີຣີແລະຕອບສະໜອງຕາມຄວາມຮຽກຮ້ອງຕ້ອງການດ້ານມະນຸດສະທໍາໃນປະເທດນີ້ໂດຍໄວ.
ຫ້ອງການໂຄສົກເລຂາທິການໃຫຍ່ອົງການສະຫະປະຊາຊາດກ່າວວ່າ, ໃນເວລາພົບປະກັນ, ທ່ານບານກີມູນແລະທ່ານ ອາຣາບີ ໄດ້ປຶກສາຫາລືກັນກ່ຽວກັບສະຖານະການຂອງຊີຣີແລະລີບີ ແລະຂະບວນການສັນຕິພາບຂອງພາກຕາເວັນອອກກາງ. ທ່ານບານກີມູນໄດ້ສະແດງຄວາມຊົມເຊີຍຕໍ່ຄວາມຄືບໜ້າຂອງບັນຫາຊີຣີ ແລະກ່າວຢໍ້າວ່າການເພີ່ມທະວີການຮ່ວມມືລະຫວ່າງອົງການສະຫະປະຊາຊາດກັບສັນນິບາດປະເທດອາຣັບມີຄວາມສໍາຄັນທີ່ສຸດ.
