ນາຍົກລັດຖະມົນຕີຈີນພົບປະກັບປະທານາທິບໍດີເວເນຊູເອລາ ແລະກ່າວເນັ້ນວ່າຈະລົງເລິກການພົວພັນຄູ່ຮ່ວມມືຍຸດທະສາດເພື່ອຊຸກຍູ້ການພັດທະນາຮ່ວມກັນ
ຕອນບ່າຍວັນທີ 23 ກັນຍານີ້, ທ່ານຫລີເຄີ້ສຽງ, ນາຍົກລັດຖະມົນຕີຈີນໄດ້ພົບປະກັບທ່ານຣິຄາໂດ ມາດູໂຣ, ປະທານາທິບໍດີເວເນຊູເອລາ ຢູ່ນະຄອນຫລວງປັກກິ່ງ.
ໃນການພົບປະ ທ່ານຫລີເຄີ້ສຽງກ່າວວ່າ, ຈີນຊົມເຊີຍລັດຖະບານຊຸດໃໝ່ຂອງເວເນຊູເອລາທີ່ນໍາໂດຍທ່ານ ປະທານາທິບໍດີທີ່ໄດ້ຮັບການເລີ່ມຕົ້ນທີ່ດີໃນດ້ານການພັດທະນາເສດຖະກິດແລະການປັບປຸງຊີວິດການເປັນຢູ່ຂອງປະຊາຊົນ ແລະເຊື່ອໝັ້ນວ່າລັດຖະບານແລະປະຊາຊົນເວເນຊູເອລາຈະປະສົບຜົນສໍາເລັດໃໝ່ຢ່າງບໍ່ຢຸດຢັ້ງໃນພາລະກິດສ້າງສາປະເທດຊາດຂອງຕົນ. ຈີນຍິນດີຮ່ວມກັບເວເນຊູເອລາ, ຊຸກຍູ້ການພົວພັນແລະການຮ່ວມມືທີ່ຕິດແທດກັບຕົວຈິງໃນຂົງເຂດຕ່າງໆລະຫວ່າງສອງປະເທດໃຫ້ກ້າວຂຶ້ນສູ່ລະດັລໃໝ່ ເພື່ອສ້າງຄວາມສຸກໃຫ້ແກ່ປະຊາຊົນສອງປະເທດຢ່າງແທ້ຈິງ. ນອກຈາກນີ້, ທ່ານຫລີເຄີ້ສຽງຍັງໄດ້ແນະນໍາສະພາບການຫັນປ່ຽນຮູບແບບການເສດຖະກິດຈີນໃຫ້ທ່ານມາດູໂຣຊາບ.
ທ່ານມາດູໂຣກ່າວວ່າ, ເວເນຊູເອລາຍິນດີຮ່ວມກັບຈີນເພື່ອລົງເລິກການພົວພັນຄູ່ຮ່ວມມືຍຸດທະສາດທີ່ສອງປະເທດພັດທະນາຮ່ວມກັນ ແລະເຊື່ອໝັ້ນວ່າການຮ່ວມມືລະຫວ່າງເວເນຊູເອລາກັບຈີນຈະມີຜົນດີຕໍ່ການບັນລຸການຫັນປ່ຽນຮູບແບບການພັດທະນາຂອງເວເນຊູເອລາ.
