ສະຖານີຮັບສັນຍານຈາກລະບົບນໍາທາງເປີຍໂຕວແຫ່ງທໍາອິດຂອງອາຊຽນເລີ່ມກໍ່ສ້າງຢູ່ລາວ
ໃນ"ກອງປະຊຸມການແລກປ່ຽນເຕັກນິກແລະການຮ່ວມມືດ້ານການປະດິດສ້າງຈີນ-ອາຊຽນຄັ້ງປະຖົມມະເລີກ" ທີ່ຈັດຂຶ້ນໃນເມື່ອບໍ່ດົນມານີ້, ຈີນແລະລາວທີ່ເປັນຄູ່ຮ່ວມມືໄດ້ເຊັນສັນຍາກ່ຽວກັບໂຄງການຮ່ວມມືທີ່ເປັນໂຄງການຕົວແບບໝູນໃຊ້ບົນພື້ນຖານການບໍລິການດ້ານທີ່ຕັ້ງຂອງລະບົບນໍາທາງເປີຍໂຕວ ໂດຍມີທ່ານວ້ານກ່າງ, ຮອງປະທານສະພາປຶກສາການເມືອງປະຊາຊົນແຫ່ງຊາດຈີນທັງເປັນລັດຖະມົນຕີວ່າການກະຊວງເຕັກນິກວິທະຍາສາດຈີນ ແລະເຈົ້າໜ້າທີ່ອົງການເຕັກນິກວິທະຍາສາດປະເທດຕ່າງໆເຊັ່ນກໍາປູເຈຍ, ອິນໂດເນເຊຍ, ລາວ, ມຽນມາ, ໄທ, ຫວຽດນາມ ແລະປະເທດອື່ນໆ ໄດ້ເຂົ້າຮ່ວມເປັນສັກຂີພິຍານ.
ປັດຈຸບັນນີ້, ໂຄງການດັ່ງກ່າວໄດ້ເລີ່ມກໍ່ສ້າງແລະສໍາເລັດການກໍ່ສ້າງພື້ນຖານໂຄງລ່າງ. ສະຖານີແຫ່ງນີ້ຕັ້ງຢູ່ໃກ້ກັບສໍານັກງານນາຍົກລັດຖະມົນຕີແລະປະຕູໄຊຂອງລາວ, ຈະເປັນ ສະຖານີຮັບສັນຍານຈາກລະບົບນໍາທາງເປີຍໂຕວແຫ່ງທໍາອິດຂອງອາຊຽນ ແລະອໍານວຍການບໍລິການດ້ານການກໍານົດທີ່ຕັ້ງຢ່າງແມ່ນຢໍາໃນສະດັບຊັງຕີແມັດແລະລະດັບເດຊີແມັດໃນບໍລິເວນທີ່ກວ້າງຂວາງໃຫ້ແກ່ຜູ້ໃຊ້ບໍລິການໃນພາກພື້ນ.
