IMF ປັບຫລຸດການຄາດຄະເນຕໍ່ການເຕີບໂຕຂອງເສດຖະກິດຟີລິບປິນ
ໜັງສືພິມ Business World ຂອງຟີລິບປິນລາຍງານວ່າ, ເນື່ອງຈາກວ່າຕະຫລາດການທະນາຄານໂລກມີຄວາມເໜັງຕີງ ເຊິ່ງອາດຈະບັນທອນສະພາບພື້ນຖານຂອງເສດຖະກິດທີ່ພັດທະນາຢ່າງແຂງແຮງຂອງຟີລິບປິນຈໍານວນໜຶ່ງ, ອົງການກອງທຶນການເງິນສາກົນ ຫລື IMF ໄດ້ ຫລຸດປັບການຄາດຄະເນຕໍ່ການເຕີບໂຕຂອງເສດຖະກິດຟີລິບປິນຈາກ 7% ລົງຮອດ 6.75%.
ເມື່ອບໍ່ດົນມານີ້, ຄະນະຜູ້ແທນຈາກ IMF ໄດ້ໄປຢ້ຽມຢາມຟີລິບປິນ ແລະໄດ້ອອກຖະແຫລງການວ່າ, "ທະນາຄານກາງອາເມລິກາ ຫລື Fed ໄດ້ເຜີຍແຜ່ແຜນການຫລຸດການຊື້ພັນທະບັດໃນແຕ່ລະເດືອນເທື່ອລະກ້າວໃນທ້າຍເດືອນພຶດສະພາແລ້ວນີ້ ເຊິ່ງໄດ້ເຮັດໃຫ້ຊັບສິນຂອງຕະຫລາດທີ່ເກີດຂຶ້ນໃໝ່ເຊິ່ງລວມທັງຟີລິບປິນໄດ້ຮັບຄວາມກົດດັນ ແລະເຮັດໃຫ້ຄ່າເງິນເປໂຊຂອງຟີລິບປິນອ່ອນລົງແລະອັດຕາດອກເບ້ຍສູງຂຶ້ນ. ເມື່ອບໍ່ດົນມານີ້, ອາເມລິກາໄດ້ປະກາດຈະເລື່ອນເວລາດໍາເນີນແຜນການນີ້ເພື່ອເຮັດໃຫ້ຕະຫລາດຟື້ນຟູການພັດທະນາຄືແຕ່ກອນ"
IMF ກ່າວວ່າ, ເມື່ອທະນາຄານກາງອາເມລິກາເລີ່ມດໍາເນີນນະໂຍບາຍແບບຮັດກຸມເງິນຕາແລ້ວ, ສະພາບພື້ນຖານດ້ານເສດຖະກິດທີ່ພັດທະນາຢ່າງແຂງແຮງຂອງຟີລິບປິນຈະເຮັດໃຫ້ເສດຖະກິດຟີລິບປິນສືບຕໍ່ຮັກສາຈັງຫວັດການເຕີບໂຕທີ່ໄວກວ່າເສດຖະກິດຂອງ ປະທດສ່ວນຫລາຍຂອງພາກພື້ນອາຊີປາຊິຟິກ.
