ກະຊວງການຄ້າຈີນກ່າວວ່າ: ປີນີ້ຍອດມູນຄ່າສົ່ງອອກສິນຄ້າຂອງຈີນມີຫວັງເປັນອັນດັບໜຶ່ງໃນໂລກ
(GMT+08:00) 2013-09-26 16:43:30 cri
ຫວ່າງມໍ່ໆນີ້, ທ່ານເສີນດັ່ງຢາງ, ໂຄສົກກະຊວງການຄ້າຈີນກ່າວໃນງານວິເຄາະສະຖານະການເສດຖະກິດຈີນວ່າ, ໃນໄຕມາດທີສີ່, ສະພາບການດ້ານການຄ້າຕໍ່ຕ່າງປະເທດຂອງຈີນເຫັນໄປໃນແງ່ດີໃນພາບລວມ, ຄາດວ່າເສດຖະກິດຈີນຈະສາມາດບັນລຸການເຕີບໂຕປະມານ 8% ໃນໝົດປີ. ຍອດມູນຄ່າຂາເຂົ້າຂາອອກຂອງຈີນປີນີ້ຄາດວ່າຈະເປັນອັນລະດັບໜຶ່ງໃນໂລກເປັນຄັ້ງທຳອິດ.
ທ່ານເສີນດັ່ງຢາງກ່າວວ່າ, ໃນສອງເດືອນມານີ້, ຕົວເລກທີ່ດ່ານພາສີຂອງຈີນປະກາດອອກມານັ້ນສະແດງໃຫ້ເຫັນວ່າສະພາບການດ້ານການຄ້າຕໍ່ຕ່າງປະເທດຂອງຈີນໄດ້ມີທ່າອ່ຽງດີຂຶ້ນແລ້ວ, ແລະເຫັນໄປໃນແງ່ດີໃນພາບລວມ. ທ່ານຊີ້ອອກວ່າ, ນະໂຍບາຍເສດຖະກິດດ້ານມະຫາພາກມີບົດບາດຊຸກຍູ້ຕໍ່ການຄ້າຕໍ່ຕ່າງປະເທດ, ພ້ອມກັນນັ້ນ, ສະພາບແວດລ້ອມເສດຖະກິດພາຍນອກກໍ່ພວມດີຂຶ້ນ. ການປັບປຸງໂຄງປະກອບເສດຖະກິດເຮັດໃຫ້ກຳລັງແຂ່ງຂັນສັງລວມຂອງວິສາຫະກິດໄດ້ຮັບການຍົກສູງຂຶ້ນ, ວິສາຫະກິດດັ່ງກ່າວຍັງມີກຳລັງແຂ່ງຂັນສັງລວມທີ່ປະເຊີນໜ້າກັບຕະຫຼາດສາກົນ. ສະນັ້ນສາມາດຄາດຄະເນໄດ້ວ່າໃນ 6 ເດືອນທ້າຍປີນີ້ສະພາບການດ້ານເສດຖະກິດຍັງຈະຮັກສາທ່າອ່ຽງດີຂຶ້ນ.
ທ່ານເສີນດັ່ງຢາງກ່າວວ່າ, ໃນສອງເດືອນມານີ້, ຕົວເລກທີ່ດ່ານພາສີຂອງຈີນປະກາດອອກມານັ້ນສະແດງໃຫ້ເຫັນວ່າສະພາບການດ້ານການຄ້າຕໍ່ຕ່າງປະເທດຂອງຈີນໄດ້ມີທ່າອ່ຽງດີຂຶ້ນແລ້ວ, ແລະເຫັນໄປໃນແງ່ດີໃນພາບລວມ. ທ່ານຊີ້ອອກວ່າ, ນະໂຍບາຍເສດຖະກິດດ້ານມະຫາພາກມີບົດບາດຊຸກຍູ້ຕໍ່ການຄ້າຕໍ່ຕ່າງປະເທດ, ພ້ອມກັນນັ້ນ, ສະພາບແວດລ້ອມເສດຖະກິດພາຍນອກກໍ່ພວມດີຂຶ້ນ. ການປັບປຸງໂຄງປະກອບເສດຖະກິດເຮັດໃຫ້ກຳລັງແຂ່ງຂັນສັງລວມຂອງວິສາຫະກິດໄດ້ຮັບການຍົກສູງຂຶ້ນ, ວິສາຫະກິດດັ່ງກ່າວຍັງມີກຳລັງແຂ່ງຂັນສັງລວມທີ່ປະເຊີນໜ້າກັບຕະຫຼາດສາກົນ. ສະນັ້ນສາມາດຄາດຄະເນໄດ້ວ່າໃນ 6 ເດືອນທ້າຍປີນີ້ສະພາບການດ້ານເສດຖະກິດຍັງຈະຮັກສາທ່າອ່ຽງດີຂຶ້ນ.
