ໂຄສົກກະຊວງການຕ່າງປະເທດຈີນກ່າວວ່າເດັດດ່ຽວຄັດຄ້ານປະເທດໃດໆທີ່ວິຈານຢ່າງຂາດຄວາມຮັບຜິດຊອບຕໍ່ການພັດທະນາລະບົບການເມືອງຂອງຮົງກົງ
(GMT+08:00) 2013-09-26 10:17:08 cri
ວັນທີ 25 ກັນຍານີ້, ທ່ານຫົງເຫຼີຍ ໂຄສົກກະຊວງການຕ່າງປະເທດຈີນກ່າວວ່າ, ການພັດທະນາລະບົບການເມືອງແມ່ນວຽກງານພາຍໃນຂອງຮົງກົງກໍ່ຄືຂອງຈີນ.
ລັດຖະບານຈີນເດັດດ່ຽວຄັດຄ້ານປະເທດໃດໆທີ່ກ່າວຄຳວິຈານຢ່າງຂາດຄວາມຮັບຜິດຊອບຕໍ່ເລື່ອງນີ້ຊຶ່ງເປັນການແຊກແຊງວຽກງານພາຍໃນຂອງຮົງກົງ.
ຢູ່ທີ່ກອງປະຊຸມຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນຕອນບ່າຍວັນທີ 25 ກັນຍານີ້, ມີນັກຂ່າວຖາມວ່າ, ຕາມລາຍງານວ່າ, ທ່ານຟອດ ຮາດ ຫົວໜ້າກົງສຸນໃຫຍ່ອາເມລິກາປະຈຳຮົງກົງກ່າວໃນວັນທີ 24 ກັນຍານີ້ວ່າ, ລັດຖະບານຈີນຈະຊຸກຍູ້ການດຳເນີນການເລືອກຕັ້ງຜູ້ວ່າການເຂດບໍລິຫານພິເສດຮົງກົງປີ2017ແລະການເລືອກຕັ້ງສະພານິຕິບັນຍັດໃນປີ2020ຢູ່ຮົງກົງ, ອາເມລິກາສະແດງຄວາມຍ້ອງຍໍຕໍ່ເລື່ອງນີ້. ນິຍາມພື້ນຖານອັນໜຶ່ງຂອງປະຊາທິປະໄຕຄວນແມ່ນປະຊາຊົນມີສິດປະກອບຄຳເຫັນຢ່າງເຕັມສ່ວນຕໍ່ການດຳເນີນງານຂອງລະບົບການເມືອງ. ອາເມລິກາຈະສືບຕໍ່ສະໜັບສະໜູນຮົງກົງປະຕິບັດຕາມກົດໝາຍພື້ນຖານແລະຂໍ້ຕົກລົງຂອງສະພາປະຊາຊົນແຫ່ງຊາດຈີນເພື່ອບັນລຸການເລືອກຕັ້ງທົ່ວໄປຢ່າງແທ້ຈິງ, ແຕ່ອາເມລິກາບໍ່ມີແຜນການໃດໆກ່ຽວກັບຂະບວນການເລືອກຕັ້ງຂອງຮົງກົງ. ກ່ຽວກັບເລື່ອງນີ້,ຈີນມີຄວາມເຫັນແນວໃດ?
ທ່ານຫົງເຫຼີຍ ໂຄສົກກະຊວງການຕ່າງປະເທດຈີນກ່າວວ່າ, ບັນຫາການພັດທະນາດ້ານລະບົບການເມືອງແມ່ນວຽກງານພາຍໃນຂອງຮົງກົງແລະກໍ່ແມ່ນວຽກງານພາຍໃນຂອງຈີນ.
ລັດຖະບານຈີນເດັດດ່ຽວຄັດຄ້ານປະເທດໃດໆທີ່ກ່າວຄຳວິຈານຢ່າງຂາດຄວາມຮັບຜິດຊອບຕໍ່ເລື່ອງນີ້ຊຶ່ງເປັນການແຊກແຊງວຽກງານພາຍໃນຂອງຮົງກົງ. ຫວັງວ່າປະເທດທີ່ກ່ຽວຂ້ອງຈົ່ງເຮັດໃຫ້ຄຳເວົ້າແລະການກະທຳຂອງຕົນເປັນເອກະພາບກັນຢ່າງແທ້ຈິງ, ແລະກະທຳໃນສິ່ງທີ່ມີຜົນດີຕໍ່ຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງ.
ລັດຖະບານຈີນເດັດດ່ຽວຄັດຄ້ານປະເທດໃດໆທີ່ກ່າວຄຳວິຈານຢ່າງຂາດຄວາມຮັບຜິດຊອບຕໍ່ເລື່ອງນີ້ຊຶ່ງເປັນການແຊກແຊງວຽກງານພາຍໃນຂອງຮົງກົງ.
ຢູ່ທີ່ກອງປະຊຸມຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນຕອນບ່າຍວັນທີ 25 ກັນຍານີ້, ມີນັກຂ່າວຖາມວ່າ, ຕາມລາຍງານວ່າ, ທ່ານຟອດ ຮາດ ຫົວໜ້າກົງສຸນໃຫຍ່ອາເມລິກາປະຈຳຮົງກົງກ່າວໃນວັນທີ 24 ກັນຍານີ້ວ່າ, ລັດຖະບານຈີນຈະຊຸກຍູ້ການດຳເນີນການເລືອກຕັ້ງຜູ້ວ່າການເຂດບໍລິຫານພິເສດຮົງກົງປີ2017ແລະການເລືອກຕັ້ງສະພານິຕິບັນຍັດໃນປີ2020ຢູ່ຮົງກົງ, ອາເມລິກາສະແດງຄວາມຍ້ອງຍໍຕໍ່ເລື່ອງນີ້. ນິຍາມພື້ນຖານອັນໜຶ່ງຂອງປະຊາທິປະໄຕຄວນແມ່ນປະຊາຊົນມີສິດປະກອບຄຳເຫັນຢ່າງເຕັມສ່ວນຕໍ່ການດຳເນີນງານຂອງລະບົບການເມືອງ. ອາເມລິກາຈະສືບຕໍ່ສະໜັບສະໜູນຮົງກົງປະຕິບັດຕາມກົດໝາຍພື້ນຖານແລະຂໍ້ຕົກລົງຂອງສະພາປະຊາຊົນແຫ່ງຊາດຈີນເພື່ອບັນລຸການເລືອກຕັ້ງທົ່ວໄປຢ່າງແທ້ຈິງ, ແຕ່ອາເມລິກາບໍ່ມີແຜນການໃດໆກ່ຽວກັບຂະບວນການເລືອກຕັ້ງຂອງຮົງກົງ. ກ່ຽວກັບເລື່ອງນີ້,ຈີນມີຄວາມເຫັນແນວໃດ?
ທ່ານຫົງເຫຼີຍ ໂຄສົກກະຊວງການຕ່າງປະເທດຈີນກ່າວວ່າ, ບັນຫາການພັດທະນາດ້ານລະບົບການເມືອງແມ່ນວຽກງານພາຍໃນຂອງຮົງກົງແລະກໍ່ແມ່ນວຽກງານພາຍໃນຂອງຈີນ.
ລັດຖະບານຈີນເດັດດ່ຽວຄັດຄ້ານປະເທດໃດໆທີ່ກ່າວຄຳວິຈານຢ່າງຂາດຄວາມຮັບຜິດຊອບຕໍ່ເລື່ອງນີ້ຊຶ່ງເປັນການແຊກແຊງວຽກງານພາຍໃນຂອງຮົງກົງ. ຫວັງວ່າປະເທດທີ່ກ່ຽວຂ້ອງຈົ່ງເຮັດໃຫ້ຄຳເວົ້າແລະການກະທຳຂອງຕົນເປັນເອກະພາບກັນຢ່າງແທ້ຈິງ, ແລະກະທຳໃນສິ່ງທີ່ມີຜົນດີຕໍ່ຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງ.
