WTO ຮັບຮອງບົດລາຍງານຂອງໜ່ວຍວິຊາການກ່ຽວກັບຄວາມຂັດແຍ້ງດ້ານການຕ້ານການຂາຍເລແລະການອຸດໜູນລາຄາໄກ່ພັນຊີ້ນຂາວລະຫວ່າງຈີນ-ອາເມລິກາ ກະຊວງການຄ້າຈີນສະແດງຄວາມຊົມເຊີຍຕໍ່ບາງຄຳຕັດສິນໃນບົດລາຍງານ
ຕາມຂ່າວສານຊິນຮວາ: ອົງການການຄ້າໂລກ ຫຼື WTO ໄດ້ຮັບຮອງບົດລາຍງານຂອງໜ່ວຍວິຊາການກ່ຽວກັບອາເມລິກາກ່າວຟ້ອງຈີນທີ່ໃຊ້ມາດຕະການຕ້ານການຂາຍເລແລະການອຸດໜູນລາຄາໄກ່ພັນຊີ້ນຂາວທີ່ນຳເຂົ້າຈາກອາເມລິກາ, ເຈົ້າໜ້າທີ່ກົມສົນທິສັນຍາແລະກົດໝາຍ ກະຊວງການຄ້າຈີນ ກ່າວວ່າ: ໃນບົດລາຍງານຂອງໜ່ວຍວິຊາການ ໄດ້ໂຕ້ຄືນຈຸດຢືນສ່ວນຫຼາຍຂອງອາເມລິກາ, ແລະໄດ້ສະໜັບສະໜູນຈຸດຢືນຂອງຈີນໃນບາງດ້ານ, ຈີນສະແດງຄວາມຊົມເຊີຍຕໍ່ການຕັດສິນດັ່ງກ່າວ.
ຂ່າວແຈ້ງວ່າ: ໃນຂໍ້ຂັດແຍ້ງທີ່ໜ່ວຍວິຊາການສະໜັບສະໜູນຈຸດຢືນຂອງຈີນຕົ້ນຕໍລວມທັງ ການຢັ້ງຢືນຈາກຂະແໜງການພາຍໃນປະເທດ, ການປຽບທຽບລາຄາແມ່ນຢູ່ໃນລະດັບການຄ້າອັນດຽວກັນຫຼືບໍ່, ຮູບແບບແຈ້ງໃຫ້ກັນຊາບກ່ຽວກັບການບໍ່ຮູ້ຖານະຂອງບໍລິສັດສົ່ງອອກ ແລະອື່ນໆ. ເຈົ້າໜ້າທີ່ກົມສົນທິສັນຍາແລະກົດໝາຍ ກະຂວງການຄ້າຈີນ ກ່າວວ່າ: ຈີນສະຫງວນຄວາມເຫັນຂອງຕົນຕໍ່ການຕັດສິນຂອງໜ່ວຍວິຊາການກ່ຽວກັບການເປີດເຜີຍຄວາມຈິງພື້ນຖານ ເປັນຕົ້ນ, ເຫັນວ່າຄວນໃຫ້ຄວາມກະຈ່າງແຈ້ງຕື່ມອີກຕໍ່ບັນຫາທີ່ກ່ຽວຂ້ອງໃນຄະດີທີ່ອາດຈະເກີດຂຶ້ນໃນຕໍ່ ໜ້າ.
