ໄຂເວທີປຶກສາຫາລືເສດຖະກິດເອີຣົບອາຊີ2013 ຮອງນາຍົກຈີນກ່າວຄຳປາໄສ
ຕາມຂ່າວCRI: ວັນທີ26ກັນຍານີ້, ທ່ານຫວ່າງຢາງ, ຮອງນາຍົກລັດຖະມົນຕີຈີນກ່າວວ່າ, ຄວນຕັ້ງໜ້າປຶກສາຫາລືກ່ຽວກັບສັນຍາການຄ້າເສລີແລະສັນຍາການລົງທຶນຫຼາຍຝ່າຍແລະສອງຝ່າຍຢູ່ເຂດເອີຣົບອາຊີ, ລົບລ້າງກຳແພງການຄ້າແລະການລົງທຶນປະເພດຕ່າງໆ, ເສີມຂະຫຍາຍທ່າແຮງດ້ານພູມສາດ, ທ່າແຮງການຊ່ອຍຊູ້ຍູ້ໜູນເຊິ່ງກັນແລະກັນດ້ານເສດຖະກິດ.
ເວທີປຶກສາຫາລືເສດຖະກິດເອີຣົບອາຊີ2013ໄດ້ໄຂຂຶ້ນຢູ່ນະຄອນຊີອ່ານຂອງແຂວງສານຊີຈີນໃນວັນທີ26ກັນຍານີ້, ທ່ານຫວ່າງຢາງ, ຮອງນາຍົກລັດຖະມົນຕີຈີນໄດ້ເຂົ້າຮ່ວມພິທີເປີດງານແລະກ່າວຄຳປາໄສ. ທານຫວ່າງຢາງກ່າວເນັ້ນວ່າ, ເຂດເອີຣົບອາຊີມີປະຊາກອນເກືອບເຄິ່ງໜຶ່ງຂອງໂລກ, ແມ່ນໜຶ່ງໃນບັນດາເຂດແຄວ້ນທີ່ມີທ່າແຮງບົ່ມຊ້ອນຫຼາຍທີ່ສຸດໃນດ້ານເສດຖະກິດດ້ານການເຕີບໂຕແລະການບໍລິໂພກ. ຫາກມີ ການເປີດຕະຫຼາດເຊິ່ງກັນແລະກັນ, ຊ່ວຍຊູຍູ້ໜູນກັນ, ກໍຈະສາມາດກາຍເປັນຄູ່ຮ່ວມມືທີ່ໝັ້ນຄົງຍາວນານໄດ້.
ໃນຖານະເປັນເວທີສຳຄັນທີ່ເຮັດໃຫ້ທ່າແຮງດ້ານການຮ່ວມມືອັນມະຫາສານຂອງອົງການຮ່ວມມືຊຽງໄຮຫຼືSCOບັນລຸຜົນສຳເລັດຕົວຈິງ, ເວທີປຶກສາຫາລືເສດຖະກິດເອີຣົບອາຊີຄັ້ງນີ້ຈະມີຂະໜາດທີ່ບໍ່ເຄີຍມີມາກ່ອນ, ລວມມີແຂກເກືອບ2000ຄົນທີ່ມາຈາກ75ປະເທດແລະເຂດແຄວ້ນເຂົ້າຮ່ວມກອງປະຊຸມ. ໃນໄລຍະກອງປະຊຸມທີ່ຈະດຳເນີນເປັນເວລາ3ວັນ, ຈະຈັດໃຫ້ມີກິດຈະກຳ, ກອງປະຊຸມຕ່າງໆທັງໝົດ150ຄັ້ງລວມທັງພິທີເປີດ.
