ຈີນແລະຫວຽດນາມຈັດການເຈລະຈາຮອບທີ 4 ຂອງໜ່ວຍງານຊ່ຽວຊານການຮ່ວມມືໃນຂົງເຂດທາງທະເລທີ່ມີຄວາມອ່ອນໄຫວຕໍ່າ
ເພື່ອຈັດຕັ້ງປະຕິບັດຄວາມຮັບຮູ້ທີ່ເປັນເອກະສັນກັນຂອງຜູ້ນໍາສອງປະເທດແລະອີງຕາມເນື້ອໃນຂອງ ສັນຍາວ່າດ້ວຍຫລັກການພື້ນຖານໃນການຊີ້ນໍາການແກ້ໄຂບັນຫາດ້ານທະເລລະຫວ່າງຈີນແລະຫວຽດນາມ ທີ່ລົງນາມຮ່ວມກັນໃນວັນທີ 11 ຕຸລາ ປີ 2011, ແຕ່ວັນທີ 24 ຫາວັນທີ 26 ກັນຍານີ້, ໜ່ວຍງານຊ່ຽວຊານການຮ່ວມມືໃນຂົງເຂດທາງທະເລທີ່ມີຄວາມອ່ອນໄຫວຕໍ່າຈີນ-ຫວຽດນາມໄດ້ຈັດການເຈລະຈາຮອບທີ 4 ໃນນະຄວນຫລວງຮ່າໂນ່ຍຂອງຫວຫວຽດນາມ.
ສອງຝ່າຍໄດ້ແລກປ່ຽນຄໍາຄິດຄໍາເຫັນຢ່າງເລິກເຊິ່ງກ່ຽວກັບໂຄງການການຄົ້ນຄວ້າແລະການຮ່ວມມືໃນດ້ານການຄຸ້ມຄອງສິ່ງແວດລ້ອມທະເລແລະເກາະດອນໃນເຂດອ່າວເປີຍປູ້ ແລະໂຄງການອື່ນໆ ແລະໄດ້ບັນລຸຄວາມເປັນເອກະສັນກັນກ່ຽວກັບເນື້ອໃນຂອງສັນຍາ.
ສອງຝ່າຍເຫັນດີເປັນເອກະສັນກັນຈະຮ່ວມກັນທໍາຄວາມພະຍາຍາມ, ປະສານງານຢ່າງສະໜິດແໜ້ນ ແລະເຊັນສັນຍາໂດຍໄວ ເພື່ອປະຕິບັດ 2 ໂຄງການຮ່ວມມືດັ່ງກາວພາຍໃນປີ 2013 ນີ້.
ສອງຝ່າຍຈະຈັດການເຈລະຈາຮອບທີ 5 ຂອງໜ່ວຍງານຊ່ຽວຊານການຮ່ວມມືໃນຂົງເຂດທາງທະເລທີ່ມີຄວາມອ່ອນໄຫວຕໍ່າໃນທະເລ ໃນ 6 ເດືອນຕົ້ນ ປີ 2014.
