ໂຄສົກກະຊວງການຕ່າງປະເທດຈີນກ່າວວ່າ, ປະເທດທີ່ຫວັງຢາກເສີມຂະຫຍາຍບົດບາດໃຫຍ່ກວ່າເກົ່າຢູ່ສະພາຄວາມໝັ້ນຄົງນັ້ນຄວນເຄົາລົບປະຫວັດສາດກ່ອນ
ຕາມຂ່າວCRI: ຂ່າວແຈ້ງວ່າ, ໃນເວລາກ່າວຄຳປາໄສໃນສະມັດຊາໃຫຍ່ສະຫະປະຊາຊາດ, ທ່ານຊິນຈຸ ອາເປ ນາຍົກລັດຖະມົນຕີຍີ່ປຸ່ນກ່າວວ່າ, ຕ້ອງດຳເນີນການປະຕິຮູບສະພາຄວາມໝັ້ນຄົງສະຫະປະຊາຊາດ, ຫວັງວ່າປະຊາຄົມໂລກມີຄວາມເຂົ້າໃຈຕໍ່ຍີ່ປຸ່ນເຂົ້າເປັນສະມາຊິກຖາວອນ.
ໃນກອງປະຊຸມຂ່າວທີ່ຈັດຂຶ້ນໃນວັນທີ 27 ກັນຍານີ້, ໃນເວລາວິຈານເລື່ອງນີ້, ທ່ານຮົງເຫລີຍ ໂຄສົກກະຊວງການຕ່າງປະເທດຈີນກ່າວວ່າ, "ກ່ຽວກັບບັນຫາປະຕິຮູບສະພາຄວາມໝັ້ນຄົງ,ຈີນມີຫຼັກໝັ້ນຢ່າງສະເໝີຕົ້ນສະເໝີປາຍ,ບໍ່ມີການປ່ຽນແປງເທື່ອ.ການປະຕິຮູບຂອງສະພາຄວາມໝັ້ນຄົງກ່ຽວພັນເຖິງການພັດທະນາຂອງສະຫະປະຊາຊາດໃນໄລະຍະຍາວນານ ພ້ອມທັງຜົນປະໂຫຍດຕິດຕົວຂອງ193 ປະເທດສະມາຊິກ, ຕ້ອງດຳເນີນການປຶກສາຫາລືຢ່າງປະຊາທິປະໄຕ, ກ້າວເຖິງຂັ້ນມີຄວາມຮັບຮູ້ຄືກັນໂດຍທົ່ວໄປ.ປະເທດສະມາຊິກສະຫະປະຊາຊາດໃດໆ, ລວມທັງປະເທດທີ່ຫວັງຢາກເສີມຂະຫຍາຍບົດບາດໃຫຍ່ກວ່າເກົ່າຢູ່ສະພາຄວາມໝັ້ນຄົງນັ້ນ, ຄວນເຄົາຄົບປະຫວັດສາດກ່ອນ, ທ້າທາຍເກາະຜິດກັບຜົນໃນໄຊຊະນະທີ່ຍາດມາໄດ້ສົງຄາມຕ້ານຟັດຊິດຂອງໂລກບໍ່ໄດ້".
