ທ່ານບັນກີມູນເຕືອນໃຫ້ຝ່າຍຕໍ່ຕ້ານລັດຖະບານຊີຣີສາມັກຄີກັນເຂົ້າຮ່ວມກອງປະຊຸມເຊີແນວ
(GMT+08:00) 2013-09-29 13:55:42 cri
ຕາມຂ່າວCRI: ຫຼັງຈາກສະພາຄວາມໝັ້ນຄົງອົງການສະຫະປະຊາຊາດໄດ້ຮອງຮັບມະຕິກ່ຽວກັບບັນຫາອາວຸດເຄມີຂອງຊີຣີ, ອົງການສະຫະປະຊາຊາດກຳລັງຕັ້ງໜ້າກະກຽມກອງປະຊຸມເຊີແນວຄັ້ງທີ2ເພື່ອສະແຫວງຫາແຜນການແກ້ໄຂວິກິດການຊີຣີທາງການເມືອງ. ທ່ານບັນກີມູນ, ເລຂາທິການໃຫຍ່ອົງການສະຫະປະຊາຊາດເຕືອນໃຫ້ຝ່າຍຕໍ່ຕ້ານລັດຖະບານຊີຣີຈົ່ງຈັດຕັ້ງຄະນະຜູ້ແທນທີ່ເປັນເອກະພາບກັນຄະນະໜຶ່ງເພື່ອເຂົ້າຮ່ວມກອງປະຊຸມເຊີແນວໃນຄັ້ງນີ້.
ໃນວັນທີ28ກັນຍານີ້ຕາມເວລາທ້ອງຖິ່ນ, ທ່ານບັນກີມູນໄດ້ພົບປະກັບທ່ານອາມາດ ອານ ຈາບາ, ປະທານ "ສະຫະພັນທົ່ວປະເທດ" ເຊິ່ງເປັນອົງການຈັດຕັ້ງຕົ້ນຕໍຂອງຝ່າຍຕໍ່ຕ້ານລັດຖະບານຊີຣີ. ທ່ານບັນກີມູນສະແດງຄວາມຊົມເຊີຍຕໍ່ການຕົກລົງຂອງທ່ານອາມາດ ອານ ຈາບາທີ່ຈະສົ່ງຄະນະຜູ້ແທນເພື່ອເຂົ້າຮ່ວມກອງປະຊຸມສາກົນເຊີແນວ, ພ້ອມກັນນັ້ນເຕືອນໃຫ້"ສະຫະພັນທົ່ວປະເທດ"ເຊັນສັນຍາກັບອົງການຕໍ່ຕ້ານລັດຖະບານອື່ນໆ, ປະກອບເປັນຄະນະຜູ້ແທນທີ່ເປັນເອກະພາບກັນ. ໃນເວລາຕອບຄຳຖາມຂອງນັກຂ່າວ, ທ່ານບັນກີມູນກ່າວວ່າ, ຝ່າຍຕໍ່ຕ້ານລັດຖະບານຊີຣີຄວນປັນເອກະພາບກັນເຂົ້າຮ່ວມກອງປະຊຸມເຊີແນວຄັ້ງທີ2.
ປະຊາຄົມໂລກກຳລັງຕັ້ງໜ້າຊຸກຍູ້ໃຫ້ກອງປະຊຸມເຊີແນວຈັດຂຶ້ນມາໂດຍຕະຫຼອດ, ລັດຖະບານຊີຣີສະແດງຄວາມຍິນດີສົ່ງຜູ້ຕາງໜ້າເຂົ້າຮ່ວມ, ແຕ່ຝ່າຍຕໍ່ຕ້ານລັດຖະບານລັ່ງເລໃຈຕະຫຼອດມາ. ປະຈຸບັນນີ້, ຝ່າຍຕໍ່ຕ້ານລັດຖະບານທີ່ໄດ້ແຕກແຍກກັນຢ່າງສິ້ນເຊີງນັ້ນຈະເຂົ້າຮ່ວມການເຈລະຈາສັນຕິພາບແນວໃດຈະກາຍເປັນການຂົ່ມຂູ່ໃໝ່ຕໍ່ຄວາມພະຍາຍາມແຫ່ງການແກ້ໄຂວິກິດການຊີຣີໂດຍສັນຕິ.、
ໃນວັນທີ28ກັນຍານີ້ຕາມເວລາທ້ອງຖິ່ນ, ທ່ານບັນກີມູນໄດ້ພົບປະກັບທ່ານອາມາດ ອານ ຈາບາ, ປະທານ "ສະຫະພັນທົ່ວປະເທດ" ເຊິ່ງເປັນອົງການຈັດຕັ້ງຕົ້ນຕໍຂອງຝ່າຍຕໍ່ຕ້ານລັດຖະບານຊີຣີ. ທ່ານບັນກີມູນສະແດງຄວາມຊົມເຊີຍຕໍ່ການຕົກລົງຂອງທ່ານອາມາດ ອານ ຈາບາທີ່ຈະສົ່ງຄະນະຜູ້ແທນເພື່ອເຂົ້າຮ່ວມກອງປະຊຸມສາກົນເຊີແນວ, ພ້ອມກັນນັ້ນເຕືອນໃຫ້"ສະຫະພັນທົ່ວປະເທດ"ເຊັນສັນຍາກັບອົງການຕໍ່ຕ້ານລັດຖະບານອື່ນໆ, ປະກອບເປັນຄະນະຜູ້ແທນທີ່ເປັນເອກະພາບກັນ. ໃນເວລາຕອບຄຳຖາມຂອງນັກຂ່າວ, ທ່ານບັນກີມູນກ່າວວ່າ, ຝ່າຍຕໍ່ຕ້ານລັດຖະບານຊີຣີຄວນປັນເອກະພາບກັນເຂົ້າຮ່ວມກອງປະຊຸມເຊີແນວຄັ້ງທີ2.
ປະຊາຄົມໂລກກຳລັງຕັ້ງໜ້າຊຸກຍູ້ໃຫ້ກອງປະຊຸມເຊີແນວຈັດຂຶ້ນມາໂດຍຕະຫຼອດ, ລັດຖະບານຊີຣີສະແດງຄວາມຍິນດີສົ່ງຜູ້ຕາງໜ້າເຂົ້າຮ່ວມ, ແຕ່ຝ່າຍຕໍ່ຕ້ານລັດຖະບານລັ່ງເລໃຈຕະຫຼອດມາ. ປະຈຸບັນນີ້, ຝ່າຍຕໍ່ຕ້ານລັດຖະບານທີ່ໄດ້ແຕກແຍກກັນຢ່າງສິ້ນເຊີງນັ້ນຈະເຂົ້າຮ່ວມການເຈລະຈາສັນຕິພາບແນວໃດຈະກາຍເປັນການຂົ່ມຂູ່ໃໝ່ຕໍ່ຄວາມພະຍາຍາມແຫ່ງການແກ້ໄຂວິກິດການຊີຣີໂດຍສັນຕິ.、
