ພາກໃຕ້ປາກີສະຖານເກີດໄພແຜ່ນດິນໄຫວຄັ້ງໃໝ່ທີ່ວັດແຮງສັ່ນສະເທືອນໄດ້6,8ລິກເຕີ
ຕາມຂ່າວCRI: ຫຼັງຈາກວັນທີ24ໄດ້ເກີດໄພແຜ່ນດິນໄຫວຂັ້ນ7,7ລິກເຕີແລ້ວ, ໃນຕອນບ່າຍວັນທີ28ກັນຍານີ້, ເຂດແຄ້ວນດຽວກັນທີ່ພາກໃຕ້ຂອງປາກີສະຖານກໍໄດ້ເກີດໄພແຜ່ນດິນໄຫວຂຶ້ນອີກສາມາດວັດແທກໄດ້6,8ລິກເຕີ, ຜູ້ຊ່ຽວຊານກ່າວວາ, ແຜ່ນດິນໄຫວທີ່ເກີດຂຶ້ນໃນວັນທີ28ກັນຍານີ້ແມ່ນແຜ່ນດິນໄຫວເອກະລາດຄັ້ງໜຶ່ງ, ບໍ່ແມ່ນການສັ່ນສະເທືອນຕາມຫຼັງຂອງໄພແຜ່ນດິນໄຫວຮຸນແຮງທີ່ເກີດຂຶ້ນໃນວັນທີ24ກັນຍານີ້.
ຕອນຄ່ຳວັນທີ28ກັນຍານີ້ຕາມເວລາປາກີສະຖານ, ຍົນບັນທຸກວັດຖຸຊ່ວຍເຫຼືອຕ້ານໄພແຜ່ນດິນໄຫວເພື່ອກູ້ໄພຂອງຈີນງວດທຳອິດໄດ້ລົງຈອດຢູ່ສະໜາມບິນຂອງປາກີສະຖານຕາມເວລາກຳນົດ.
ທ່ານໝາ ຢາ ໂອ, ກົງສຸນໃຫຍ່ຈີນກ່າວວ່າ, ຜູ້ນຳຈີນໄດ້ເອົາໃຈໃສ່ສະພາບການປະສົບໄພຂອງປາກີສະຖານໃນລະດັບສູງຄັ້ງນີ້, ຫວັງຢາກໃຫ້ຜ່ານການຊ່ວຍເຫຼືອຕົວຈິງເພື່ອຊ່ວຍໃຫ້ປາກີສະຖານສາມາດຜ່ານຜ່າຄວາມຫຍຸ້ງຍາກໄປໄດ້. ຈີນກາຍເປັນປະເທດທຳອິດທີ່ໃຫ້ການຊ່ວຍເຫຼືອຕົວຈິງແກ່ປາກີສະຖານຫຼັງຈາກປາກີສະຖານເກີດໄພແຜ່ນດິນໄຫວ.
