ປະທານາທໍບໍດີອາເມລິກາຕັດເວລາການຢ້ຽມຢາມອາຊີຕາເວັນອອກສຽງໃຕ້ໃຫ້ສັ້ນເຂົ້າຍ້ອນລັດຖະບານປິດບໍລິການ
(GMT+08:00) 2013-10-03 16:20:53 cri
ວັນທີ 2 ຕຸລານີ້, ທຳນຽບຂາວອາເມລິກາໄດ້ອອກຖະແຫຼງການວ່າ, ເນື່ອງຈາກວ່າລັດຖະບານສະຫະລັດອາເມລິກາໄດ້ປິດບໍລິການ, ທ່ານປະທານາທິບໍດີບາຣັກໂອບາມາຈິ່ງໄດ້ຕັດເວລາການຢ້ຽມຢາມອາຊີທີ່ໄດ້ກຳນົດໄວ້ນັ້ນໃຫ້ສັ້ນເຂົ້າ,ໂດຍໄດ້ຍົກເລີກແຜນການຢ້ຽມຢາມມະເລເຊຍແລະຟີລິບປິນ.
ຖະແຫຼງການຂຽນວ່າ, ສາເຫດທີ່ທ່ານໂອບາມາຕັດເວລາການຢ້ຽມຢາມອາຊີໃນຄັ້ງນີ້ແມ່ນຍ້ອນລັດຖະບານສະຫະລັດໄດ້ປິດບໍລິການ. ເນື່ອງຈາກວ່າພັກເດໂມເຄຼັດແລະພັກລີພັບປຼກັນຂອງອາເມລິກາບໍ່ສາມາດແກ້ໄຂຄວາມຂັດແຍ້ງໃນດ້ານງົບປະມານສົກການເງິນໃໝ່ຂອງລັດຖະບານແລະການປະຕິບັດກົດໝາຍວ່າດ້ວຍການຮັກສາສຸຂະພາບ, ພາກສ່ວນທີ່ບໍ່ສຳຄັນຂອງລັດຖະບານສະຫະລັດອາເມລິກາຈິ່ງປິດບໍລິການເລີ່ມແຕ່ວັນທີ 1 ຕຸລານີ້ເປັນຕົ້ນໄປ. ທ່ານໂອບາມາຕັດເວລາການຢ້ຽມຢາມອາຊີ,ຕົ້ນຕໍແມ່ນພິຈາລະນາເຖິງວຽກງານພາຍໃນປະເທດເພື່ອສືບຕໍ່ຕິດຕາມຄວາມຂັດແຍ້ງລະຫວ່າງສອງພັກດັ່ງກ່າວນີ້.
ສິ່ງທີ່ຄວນເອັາໃຈໃສ່ນັ້ນແມ່ນ, ທ່ານໂອບາມາໄດ້ຕົກລົງໄປເຂົ້າຮ່ວມກອງປະຊຸມບໍ່ເປັນທາງການຂອງຜູ້ນຳອົງການເອເປັກທີ່ຈະຈັດຂຶ້ນຢູ່ເກາະບາຫຼີຂອງອິນໂດເນເຊຍ, ພ້ອມດ້ວຍກອງປະຊຸມສຸດຍອດອາເມລິກາ-ອາຊຽນແລະກອງປະຊຸມສຸດຍອດອາຊີຕາເວັນອອກທີ່ຈະຈັດຂຶ້ນຢູ່ບຣູໄນຕາມທີ່ກຳນົດໄວ້ໃນແຜນການຢ້ຽມຢາມຂອງທ່ານ. ນີ້ແມ່ນຍ້ອນວ່າທ່ານໂອບາມາໃຫ້ຄວາມສຳຄັນຕໍ່ຍຸດທະຍາດການຕ່າງປະເທດອາຊີປາຊີຟິກ.ນະໂຍບາຍການຕ່າງປະເທດທີ່ສຳຄັນຂອງລັດຖະບານໂອບາມາແມ່ນຊຸກຍູ້ການປະຕິບັດຍຸດທະສາດກ້ຳເກິ່ງຄືນໃໝ່ຢູ່ອາຊີປາຊີຟິກ, ເພື່ອສະແຫວງຫາຜົນປະໂຫຍດດ້ານເສດຖະກິດແລະດ້ານການທະຫານຂອງອາເມລິກາຢູ່ໃນພາກພື້ນແຫ່ງນີ້.
ຖະແຫຼງການຂຽນວ່າ, ສາເຫດທີ່ທ່ານໂອບາມາຕັດເວລາການຢ້ຽມຢາມອາຊີໃນຄັ້ງນີ້ແມ່ນຍ້ອນລັດຖະບານສະຫະລັດໄດ້ປິດບໍລິການ. ເນື່ອງຈາກວ່າພັກເດໂມເຄຼັດແລະພັກລີພັບປຼກັນຂອງອາເມລິກາບໍ່ສາມາດແກ້ໄຂຄວາມຂັດແຍ້ງໃນດ້ານງົບປະມານສົກການເງິນໃໝ່ຂອງລັດຖະບານແລະການປະຕິບັດກົດໝາຍວ່າດ້ວຍການຮັກສາສຸຂະພາບ, ພາກສ່ວນທີ່ບໍ່ສຳຄັນຂອງລັດຖະບານສະຫະລັດອາເມລິກາຈິ່ງປິດບໍລິການເລີ່ມແຕ່ວັນທີ 1 ຕຸລານີ້ເປັນຕົ້ນໄປ. ທ່ານໂອບາມາຕັດເວລາການຢ້ຽມຢາມອາຊີ,ຕົ້ນຕໍແມ່ນພິຈາລະນາເຖິງວຽກງານພາຍໃນປະເທດເພື່ອສືບຕໍ່ຕິດຕາມຄວາມຂັດແຍ້ງລະຫວ່າງສອງພັກດັ່ງກ່າວນີ້.
ສິ່ງທີ່ຄວນເອັາໃຈໃສ່ນັ້ນແມ່ນ, ທ່ານໂອບາມາໄດ້ຕົກລົງໄປເຂົ້າຮ່ວມກອງປະຊຸມບໍ່ເປັນທາງການຂອງຜູ້ນຳອົງການເອເປັກທີ່ຈະຈັດຂຶ້ນຢູ່ເກາະບາຫຼີຂອງອິນໂດເນເຊຍ, ພ້ອມດ້ວຍກອງປະຊຸມສຸດຍອດອາເມລິກາ-ອາຊຽນແລະກອງປະຊຸມສຸດຍອດອາຊີຕາເວັນອອກທີ່ຈະຈັດຂຶ້ນຢູ່ບຣູໄນຕາມທີ່ກຳນົດໄວ້ໃນແຜນການຢ້ຽມຢາມຂອງທ່ານ. ນີ້ແມ່ນຍ້ອນວ່າທ່ານໂອບາມາໃຫ້ຄວາມສຳຄັນຕໍ່ຍຸດທະຍາດການຕ່າງປະເທດອາຊີປາຊີຟິກ.ນະໂຍບາຍການຕ່າງປະເທດທີ່ສຳຄັນຂອງລັດຖະບານໂອບາມາແມ່ນຊຸກຍູ້ການປະຕິບັດຍຸດທະສາດກ້ຳເກິ່ງຄືນໃໝ່ຢູ່ອາຊີປາຊີຟິກ, ເພື່ອສະແຫວງຫາຜົນປະໂຫຍດດ້ານເສດຖະກິດແລະດ້ານການທະຫານຂອງອາເມລິກາຢູ່ໃນພາກພື້ນແຫ່ງນີ້.
