ເວທີປຶກສາຫາລືເສດຖະກິດຄົນເຊື້ອສາຍຈີນໃນທົ່ວໂລກຄັ້ງທີ 5 ໄຂຂຶ້ນຢູ່ນະຄອນຫລວງກົວລາລໍາເປີ
ວັນທີ 3 ຕຸລານີ້, ເວທີປຶກສາຫາລືເສດຖະກິດຄົນເຊື້ອສາຍຈີນໃນທົ່ວໂລກຄັ້ງທີ 5 ທີ່ຈັດໂດຍສະຖາບັນຄົ້ນຄວ້າຍຸດໂທບາຍແລະການນໍາພາ ອາຊີ ຂອງມາເລເຊຍໄດ້ໄຂຂຶ້ນຢູ່ນະຄອນຫລວງກົວລາລໍາເປີ ເຊິ່ງມີຊ່ຽວຊານ ນັກວິຊາການ 500 ກວ່າທ່ານທີ່ມາຈາກ 25ປະເທດແລະ ພາກພື້ນເຂົ້າຮ່ວມແລະປືກສາຫາລືຢ່າງກວ້າງຂວາງກ່ຽວກັບຫົວຂໍ້ຕ່າງໆ ເຊັ່ນອິດທິພົນຂອງຈີນຕໍ່ການພັດທະນາ ຂອງເສດຖະກິດອາຊີ ແລະທົ່ວໂລກ ແລະຫົວຂໍ້ອື່ນໆ. ຫົວຂໍ້ຕົ້ນຕໍຂອງເວທີປຶກສາຫາລືຄັ້ງນີ້ລວມທັງການເຮັດແນວໃດຈຶ່ງຈະໄດ້ຮັບຜົນປະໂຫຍດຈາກການພັດທະນາຂອງຈີນ, ໂອກາດຂອງຂົງເຂດການບໍລິການດ້ານການເງິນ, ການສຶກສາແລະການປະດິດສ້າງ, ໂອກາດການຮ່ວມມືລະຫວ່າງຈີນກັບອາຊຽນ ແລະອື່ນໆ.
ໃນເວລາກ່າວຄໍາປາໄສໃນພິທີໄຂເວທີປຶກສາຫາລື, ທ່ານ ດາຕຸກ ເຊຣີ ມາຮາເຕຍ, ອະດີດນາຍົກລັດຖະມົນຕີມາເລເຊຍກ່າວວ່າ, ເວທີປຶກສາຫາລືເສດຖະກິດຄົນເຊື້ອສາຍຈີນໃນທົ່ວໂລກເປັນໂອກາດດີທີ່ເຊື່ອມຕໍ່ປະເທດຝ່າຍຕາເວັນຕົກກັບຝ່າຍຕາເວັນອອກ ແລະເພີ່ມທະວີການຮ່ວມມືແລະການແລກປ່ຽນກັນ. ພວກເຮົາຄວນຖະໜຸຖະໜອມລະບຽບສາກົນທີ່ສັນຕິພາບແລະສະຖຽນລະພາບໃນປັດຈຸບັນ ແລະຮ່ວມກັນສ້າງຄວາມຈະເລີນຂອງເສດຖະກິດໂລກ.
ທ່ານ ຊາຍສີ, ເອອັກຄະລັດຖະທູດຈີນປະຈໍາມາເລເຊຍຫວັງວ່າ, ຜູ້ຮ່ວມປະຊຸມຈະສວຍໂອກາດເວທີປຶກສາຫາລືເສດຖະກິດຄົນເຊື້ອສາຍຈີນທົ່ວໂລກຄັ້ງນີ້ ລົງເລິກການແລກປ່ຽນແລະການຮ່ວມມື , ເພື່ອປະກອບສ່ວນເຂົ້າໃນຄວາມຈະເລີນຮ່ວມກັນຂອງເສດຖະກິດຈີນແລະມາເລເຊຍ.
