ປະຊາຄົມໂລກຕີລາຄາສູງຕໍ່ການກ່າວປາຖະກະຖາຢູ່ສະພາແຫ່ງຊາດອິນໂດເນເຊຍແລະການຢ້ຽມຢາມອິນໂດເນເຊຍຂອງປະທານສີຈິ້ນຜິງ
ວັນທີ 3 ຕຸລານີ້, ທ່ານ ສີຈິ້ນຜິງ, ປະທານປະເທດຈີນໄດ້ກ່າວປາຖະກະຖາຢູ່ສະພາແຫ່ງຊາດອິນໂດເນເຊຍ ໂດຍບັນຍາຍນະໂຍບາຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຂອງຈີນຕໍ່ອິນໂດເນເຊຍແລະອາຊຽນ. ເຈົ້າໜ້າທີ່ສໍາຄັນ, ຊ່ຽວຊານ, ນັກວິຊາການແລະສື່ມວນຊົນຂອງຕ່າງປະເທດໄດ້ຕີລາຄາສູງຕໍ່ການກ່າວປາຖະກະຖາຢູ່ສະພາແຫ່ງຊາດອິນໂດເນເຊຍແລະການຢ້ຽມຢາມອິນໂດເນເຊຍຂອງປະທານສີຈິ້ນຜິງ ແລະເຫັນວ່າຈີນເພີ່ມທະວີການຮ່ວມມື ກັບອິນໂດເນເຊຍແລະອາຊຽນມີຄວາມໝາຍທີ່ສໍາຄັນ.
ໃນເວລາກ່າວປາຖະກະຖາ, ທ່ານ ສີຈິ້ນຜິງ ໄດ້ສະເໜີການເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບອິນໂດເນເຊຍ ແລະສ້າງປະຊາຄົມທີ່ມີໂຊກຊະຕາຮ່ວມກັນທີ່ສະໜິດແໜ້ນແຟ້ນກວ່າເກົ່າ. ທ່ານມາຊູກີ, ປະທານສະພາແຫ່ງຊາດອິນໂດເນເຊຍກ່າວວ່າ, ການກ່າວປາຖະກະຖາຂອງທ່ານສີຈິ້ນຜິງໄດ້ເຊີດຊູກໍາລັງໃຈຄົນ ແລະເຊື່ອວ່າ"ການພົວພັນໃນອະນາຄົດລະຫວ່າງຈີນແລະອິນໂດເນເຊຍຈະສາມາດນໍາເອົາຜົນປະໂຫຍດຫລາຍກວ່າເກົ່າໃຫ້ປະຊາຊົນສອງຊາດ".
ທ່ານ ວິນ ຕິນ, ຫົວໜ້າບັນນາທິການ ທັງເປັນນັກວິຈານການເມືອງສາກົນຂອງໜັງສືພິມ ສະຫະພາບມຽນມາ ກ່າວວ່າ, ໃນຖານະເປັນປະເທດທີ່ພັດທະນາຢ່າງວ່ອງໄວ, ຈີນໄດ້ໃຫ້ຄວາມສໍາຄັນຕໍ່ການພັດທະນາການພົວພັນກັບອາຊຽນ ນີ້ມີຄວາມໝາຍທີ່ສໍາຄັນຕໍ່ຈີນ ແລະປະເທດອາຊຽນ ແລະການພັດທະນາຂອງພາກພື້ນນີ້.
ສາດສະດາຈານສະຖາບັນບັດດິດພັດທະນະບໍລິຫານສາດໄທຊີ້ອອກວ່າ, ຈີນອາຊຽນໄດ້ກາຍເປັນຕະຫຼາດທີ່ມີກຳລັງດັນແຫ່ງການພັດທະນາອັນໃຫຍ່ຫຼວງ. ຈີນແລະປະເທດສະມາຊິກອາຊຽນມີປະຊາກອນຫຼາຍ, ບັນດາປະເທດລ້ວນແຕ່ມີກຳລັງບົ່ມຊ້ອນໃນການພັດທະນາ, ທີ່ຕັ້ງພູມສາດມີທ່າແຮງ, ເພີ່ມທະວີການຮ່ວມມືຈີນອາຊຽນມີຄວາມໝາຍອັນສຳຄັນຕໍ່ສະຖຽນລະພາບແລະການພັດທະນາຂອງເຂດແຄວ້ນ.
ວັນທີ3 ຕຸລານີ້, ໜັງສືພິມຈາກາຕາ Globe ຂອງອິນໂດເນເຊຍລາຍງານວ່າ, ທ່ານສີຈີ້ນພິງເລືອກອິນໂດເນເຊຍເປັນປະເທດທຳອິດທີ່ທ່ານຢ້ຽມຢາມອາຊີຕາເວັນອອກສຽງໃຕ້, ສະແດງໃຫ້ເຫັນວ່າຈີນໃຫ້ຄວາມສຳຄັນຫຼາຍຕໍ່ການພົວພັນກັບອິນໂດເນເຊຍ. ຈີນກັບອິນໂດເນເຊຍດຳເນີນການຮ່ວມໃນຂົງເຂດຕ່າງໆ, ໄດ້ສ້າງການພົວພັນລະຫວ່າງສອງຝ່າຍທີ່ແໜ້ນແຟ້ນກວ່າເກົ່າ.
ທ່ານອາເລັກເຊ ມາສໂລຟ ຫົວໜ້າຫ້ອງການຄົ້ນຄວ້າຝ່າຍຕາເວັນອອກວິທະຍາຂອງສະຖາບານເສດຖະສາດຊັ້ນສູງຣັດເຊຍກ່າວວ່າ, ຈີນກັບປະເທດອາຊຽນໄດ້ສ້າງຕັ້ງແບບວິທີຮ່ວມມືອັນຖືກຕ້ອງ. ການສົ່ງອອກແລະການລົງທຶນຂອງຈີນຕໍ່ອາຊຽນໄດ້ນຳເອົາເຕັກນິກກ້າວໜ້າມາໃຫ້ແຫ່ງນີ້, ກໍ່ໄດ້ສ້າງໂອກາດປະກອບອາຊີບຫຼາຍກວ່າເກົ່າ, ໄດ້ຊຸກຍູ້ເສດຖະກິດຂອງເຂດແຄວ້ນນີ້ໃຫ້ມີການຟື້ນຟູ.
ໜັງສືພິມອາຊາຮີຊິມບູນຂອງຍີ່ປຸ່ນລາຍງານໃນວັນທີ 3 ຕຸລານີ້ວ່າ, ການຢ້ຽມຢາມຂອງທ່ານສີຈີ້ນພິງເທື່ອນີ້ມີຜົນດີຕໍ່ຫານຮັດແໜ້ນການຮ່ວມມືລະຫວ່າງຈີນກັບບັນດາປະເທດອາຊຽນໃນຂົງເຂດເສດຖະກິດ, ເປີດວ້າງສຽງຂອງຈີນໃນປະຊາຄົມໂລກ.
