ກອງທັບອາເມລິກາຈະຜັດປ່ຽນກັນຈັດວາງເຮືອບິນສອດແນມແບບບໍ່ມີຄົນຂັບທີ່ຊື່ວ່າ"Globle Hawk" ຢູ່ຍີ່ປຸ່ນໃນປີໜ້າ
ວັນທີ 3 ຕຸລານີ້, ສໍານັກຂ່າວສານກຽວໂຕຍີ່ປຸ່ນລາຍງານວ່າ, ລັດຖະມົນຕີການຕ່າງປະເທດແລະລັດຖະມົນຕີປ້ອງກັນປະເທດຍີ່ປຸ່ນແລະອາເມລິກາໄດ້ຈັດການພົບປະ"ສອງບວກສອງ" ຂອງກໍາມາທິການປຶກສາຫາລືການປ້ອງກັນຄວາມໝັ້ນຄົງຍີ່ປຸ່ນແລະອາເມລິກາ ຢູ່ນະຄອນຫລວງໂຕກຽວໃນມື້ດຽວກັນ. ສອງຝ່າຍໄດ້ກ້າວເຖິງຂັ້ນເຊັນສັນຍາກ່ຽວກັບເຮືອບິນສອດແນມແບບບໍ່ມີຄົນຂັບທີ່ຊື່ວ່າ"Globle Hawk "ທີ່ກອງທັບອາເມລິກາຈັດວາງຢູ່ເກາະກວນ ຈະຜັດປ່ຽນກັນຈັດວາງຢູ່ຍີ່ປຸ່ນເລີ່ມແຕ່ລະດູໃບໄມປົ່ງ ປີ 2014 ເປັນຕົ້ນໄປ.
ລາຍງານຂ່າວໄດ້ອ້າງຕາມຄໍາເວົ້າຂອງເຈົ້າໜ້າທີ່ທີ່ກ່ຽວຂ້ອງວ່າ, ເຮືອບິນສອດແນມແບບບໍ່ມີຄົນຂັບທີ່ຊື່ວ່າ"Globle Hawk"ຈະຈັດວາງຢູ່ຖານທັບມີຊາວາຂອງກອງທັບອາເມລິກາທີ່ຕັ້ງຢູ່ເມືອງມິຊາວາແຂວງອາໂອໂມຣີ, ແຕ່ຍັງບໍ່ທັນຕົກລົງຈະຈັດວາງຈັກລໍາ. ນອກນີ້, ຍີ່ປຸ່ນແລະອາເມລິກາເຫັນດີນໍາກອງທັບອາເມລິກາຈະຈັດວາງເຮືອບິນສອດແນມຕ້ານເຮືອດໍານໍ້າ P8 ຢູ່ຖານທັບອາກາດກາເດນາຂອງກອງທັບອາເມລິກາປະຈໍາໂອກີນາວາແຕ່ເດືອນທັນວາປີນີ້ເປັນຕົ້ນໄປ ເພື່ອປ່ຽນແທນເຮືອບິນສອດແນມຕ້ານເຮືອດໍານໍ້າ P3 ທີ່ຈັດວາງຢູ່ຖານທັບແຫ່ງນີ້ຕາມລໍາດັບ. ນີ້ເປັນເທື່ອທໍາອິດທີ່ກອງທັບອາເມລິກາໄດ້ຈັດວາງເຮືອບິນສອດແນມຕ້ານເຮືອດໍານໍ້າ P8 ຢູ່ຖານນທັບນອກອາເມລິກາ.
