ທ່ານສີຈິ້ນຜີງເດີນທາງໄປເຖິງເກາະບາຫຼີຂອງອິນໂດເນເຊຍເພື່ອເຂົ້າຮ່ວມກອງປະຊຸມບໍ່ເປັນທາງການຜູ້ນຳອົງການຮ່ວມມືເສດຖະກິດອາຊີປາຊີຟິກຫຼືເອເປັກຄັ້ງທີ21
ຕາມຂ່າວCRI: ວັນທີ5ຕຸລານີ້, ທ່ານສິຈິ້ນຜີງ, ປະທານປະເທດຈີນໄດ້ເດີນທາງໄປເຖິງເກາະບາຫຼີຂອງອິນໂດເນເຊຍ, ເພື່ອເຂົ້າຮ່ວມກອງປະຊຸມບໍ່ເປັນທາງການຜູ້ນຳອົງການຮ່ວມມືເສດຖະກິດອາຊີປາຊີຟິກຫຼືເອເປັກຄັ້ງທີ21ທີ່ຈະຈັດຂຶ້ນ.
ໃນເວລາ17ໂມງ15ນາທີປາຍຂອງວັນທີ5ຕຸລານີ້ຕາມເວລາທ້ອງຖິ່ນ, ຍົນພິເສດຂອງທ່ານສິຈິ້ນຜີງໄດ້ເດີນທາງໄປເຖິງສະໜາມບິນສາກົນກູລາ ລາຍທີ່ເກາະບາຫຼີ.
ຫົວຂໍ້ຂອງກອງປະຊຸມບໍ່ເປັນທາງການຜູ້ນຳອົງການຮ່ວມມືເສດຖະກິດອາຊີປາຊີຟິກຫຼືເອເປັກຄັ້ງນີ້ແມ່ນ "ອາຊີປາຊີຟິກທີ່ມີຊີວິດຊີວາ, ຫົວລົດໄຟຂອງໂລກ", ຈະເຈາະຈົງປຶກສາຫາລືການບັນລຸເປົ້າໝາຍໂບໂກ, ການເຕີບໂຕແບບຍືນຍົງແລະຍຸດຕິທຳ, ການເຊື່ອມຈອດກັນຂອງອາຊີປາຊີຟິກແລະອື່ນໆ. ທ່ານສິຈິ້ນຜິງຈະກ່າວຄຳປາໄສສຳຄັນ. ໃນໄລຍະເຂົ້າຮ່ວມກອງປະຊຸມ, ທ່ານສິຈິ້ນຜິງຍັງຈະເຂົ້າຮ່ວມພິທີອັດກອງປະຊຸມສຸດຍອດຜູ້ນຳອຸດສາຫະກຳການຄ້າຂອງອົງການເອເປັກແລະກ່າວຄຳປາໄສ, ເຂົ້າຮ່ວມງານສົນທະນາລະຫວ່າງຜູ້ນຳກັບຜູ້ແທນສະພາມົນຕີໃຫ້ຄຳປຶກສາດ້ານອຸດສາຫະກຳການຄ້າ, ແລະພົບປະເຈລະຈາກັບຜູ້ນຳຂອງສະມາຊິກຈຳນວນໜຶ່ງ.
ທ່ານສິຈິ້ນຜິງແມ່ນເດີນທາງໄປເກາະບາຫຼພາຍຫຼັງສິ້ນສຸດການຢ້ຽມຢາມມະເລເຊຍທາງລັດຖະກິດີ.
