ສະຖານທູດຈີນປະຈໍາຟິລິບປິນຮຽກຮ້ອງໃຫ້ຟິລິບປິນຮັບປະກັນຄວາມປອດໄພ ແລະສິດຜົນປະໂຫຍດທີ່ຖືກຕ້ອງຕາມກົດໝາຍຂອງພົນລະເມືອງຈີນຢ່າງແທ້ງຈິງ
ວັນທີ 5 ຕຸລານີ້, ສະຖານທູດຈີນປະຈໍາຟິລິບປິນລາຍງານວ່າ, ເຈົ້າໜ້າທີ່ສະຖານທູດຈີນປະຈໍາຟິລິບປິນໄດ້ເດີນທາງໄປເຖິງແຂວງບາຕັນກາສຂອງຟິລິບປິນເພື່ອຢາມກໍາມະກອນຈີນທີ່ຖືກກົມກວດກາຄົນເຂົ້າເມືອງຂອງຟິລິບປິນກັກຕົວ. ໃນຈໍານວນ 138 ຄົນທີ່ຖືກກັກຕົວ , ມີ 3 ຄົນໄດ້ຮັບການປ່ອຍຕົວຍ້ອນມີໜັງສືເດີນທາງຄົບຖ້ວນ. ສະຖານທູດຈີນປະຈໍາຟິລິບປິນກໍາລັງຕິດຕໍ່ກັບພາກສ່ວນທີ່ກ່ຽວຂ້ອງຂອງຟິລິບປິນຢ່າງເນື່ອງນິດ ແລະໄດ້ຮຽກຮ້ອງໃຫ້ຟິລິບປິນຮັບປະກັນຄວາມປອດໄພ ແລະສິດຜົນປະໂຫຍດທີ່ຖືກຕ້ອງຕາມກົດໝາຍຂອງພົນລະເມືອງຈີນຢ່າງແທ້ງຈິງ.
ຂ່າວແຈ້ງວ່າ, ກໍາມະກອນຈີນຈໍານວນ 138 ຄົນທີ່ຖືກກັກຕົວ ລ້ວນແຕ່ແມ່ນບໍລິສັດແຫ່ງໜຶ່ງຂອງຈີນສົ່ງໄປຟິລິບປິນເພື່ອຮັບເໝົາການກໍ່ສ້າງໂຮງໄຟຟ້າ, ປັດຈຸບັນນີ້ຍັງມີ 135 ຄົນຖືກກັກຕົວຢູ່ຍ້ອນບໍ່ໄດ້ເຮັດວິຊາເຮັດວຽກ. ເມື່ອສະຖານທູດຈີນປະຈໍາຟິລິບປິນໄດ້ເຮັດວຽກງານຢ່າງຫລວງຫລາຍແລ້ວ, ຊີວິດການເປັນຢູ່ພື້ນຖານຂອງກໍາມະກອນຈີນທີ່ຖືກກັກຕົວໄດ້ມີການຮັບປະກັນ, ອາລົມຂອງເຂົາເຈົ້າກໍທຸ່ມທ່ຽງສົມຄວນ.
ວັນທີ 4 ຕຸລານີ້, ກົມກວດກາຄົນເຂົ້າເມືອງຟິລິບປິນກ່າວວ່າ, ເຈົ້າໜ້າທີ່ກົມກວດກາຄົນເຂົ້າເມືອງຟິລິບປິນໄດ້ຈັບກໍາມະກອນຈີນ 138 ຄົນທີ່"ເຮັດວຽກຢ່າງຜິດກົດໝາຍ" ຢູ່ສະຖານທີ່ກໍ່ສ້າງແຫ່ງໜຶ່ງຢູ່ແຂວງບາຕັນກາສຂອງຟິລິບປິນ.
