ທ່ານສີຈິ້ນຜິງພົບປະກັບທ່ານວຼາດີເມຍ ປູຕິນ
ຕາມຂ່າວCRI: ວັນທີ7ຕຸລານີ້, ຢູ່ເກາະບາຫຼີຂອງອິນໂດເນເຊຍ, ທ່ານສີຈິ້ນຜິງ,ປະທານປະເທດ ຈີນໄດ້ພົບປະກັບທ່ານບຼາດີເມຍ ປູຕິນ, ປະທານາທິບໍດີຣັດເຊຍ. ປະມຸກລັດສອງປະເທດໄດ້ແລກປ່ຽນຄວາມເຫັນກ່ຽວກັບການພົວພັນຄູ່ປະສານງານຍຸດທະສາດຮອບດ້ານລະຫວ່າງຈີນຣັດເຊຍແລະບັນຫາທີ່ສົນໃຈຮ່ວມກັນໃນທ່າມກາງບັນຍາກາດທີ່ສະໜິດສະໜົມແລະມີຄວາມກະຕືລືລົ້ນ.
ທ່ານສີຈິ້ນຜິງກ່າວວ່າ, ຄັ້ງນີ້ແມ່ນການພົບປະຄັ້ງທີ5ລະຫວ່າງພວກເຮົາໃນປີ2013. ເຊິ່ງສະແດງໃຫ້ເຫັນຢ່າງເຕັມທີວ່າການພົວພັນລະຫວ່າງຈີນຣັດເຊຍມີລະດັບສູງແລະມີລັກສະນະພິເສດ. ຈີນແລະຣັດເຊຍມີຜົນປະໂຫຍດຮ່ວມອັນກວ້າງຂວາງຢູ່ອາຊີປາຊີຟິກ. ຝ່າຍຈີນຍິນດີເພີ່ມທະວີການປະສານງານແລະສົມທົບກັບຝ່າຍຣັດເຊຍ, ຮ່ວມກັນປົກປັກຮັກສາຄວາມໝັ້ນຄົງສະຖຽນລະພາບແລະການພັດທະນາຄວາມຈະເລີນຮຸ່ງເຮືອງຂອງອາຊີປາຊີຟິກ.
ທ່ານວຼາດີເມຍ ປູຕິນກ່າວວ່າ, ປະຈຸບັນນີ້, ການພົວພັນລະຫວ່າງຈີນຣັດເຊຍໄດ້ພັດທະນາຢ່າງດີງາມ, ຜູ້ນຳສອງຝ່າຍໄດ້ໄປມາຫາສູ່ກັນເລື້ອຍໆ, ການຮ່ວມມືໃນຂົງເຂດເສດຖະກິດການຄ້າ, ສອງກອງທັບ, ວັດທະນະທຳໄດ້ຮັບການເພີ່ມທະວີຢ່າງບໍ່ຢຸດຢັ້ງ, ໄດ້ປະສານງານຢ່າງມີປະສົດທິຜົນໃນບັນຫາສາກົນແລະພາກພື້ນທີ່ສຳຄັນ.
