ໄພນໍ້າຖ້ວມຢູ່ກໍາປູເຈຍໄດ້ເຮັດໃຫ້ມີ 83 ຄົນເສຍຊີວິດ
ວັນທີ 7 ຕຸລານີ້, ຄະນະກໍາມາການຄຸ້ມຄອງໄພພິບັດແຫ່ງຊາດກໍາປູເຈຍກ່າວວ່າ, ຫລາຍມື້ມານີ້, ທ້ອງຖິ່ນຕ່າງໆຂອງກໍາປູເຈຍໄດ້ມີຝົນຕົກໜັກ, ໄດ້ເກີດໄພນໍ້າຖ້ວມຢູ່ຫລາຍແຂວງ ເຮັດໃຫ້ມີ 83 ຄົນເສຍຊີວິດ, ປະຊາຊົນ 8 ແສນຄອບຄົວໄດ້ຮັບຜົນກະທົບຈາກໄພພິບັດ, ເນື້ອທີ່ນາ 1 ແສນ 2 ໝື່ນເຮັກຕາຖືກນໍ້າຖ້ວມ ແລະມີອາຄານບ້ານເຮືອນ, ໂຮງຮຽນ, ວັດຈໍານວນຫລວງຫລາຍຖືກທໍາລາຍ. ລັດຖະບານກໍາປູເຈຍກໍາລັງຊ່ວຍເຫລືອປະຊາຊົນທີ່ປະສົບໄພໂດຍນໍາໃຊ້ກອງທັບ, ອົງການກາແດງກໍາປູເຈຍກໍກໍາລັງຂົນສົ່ງສິ່ງຂອງບັນເທົາທຸກໃຫ້ປະຊາຊົນທີ່ປະສົບໄພພິບັດໃນຄັ້ງນີ້.
ວັນທີ 6 ຕຸລານີ້, ທ່ານຮຸນແຊນ, ນາຍົກລັດຖະມົນຕີກໍາປູເຈຍໄດ້ອອກຖະແຫລງການວ່າ, ຊັບສິນຂອງປະຊາຊົນໄດ້ຮັບຄວາມເສຍຫາຍຢ່າງຮ້າຍແຮງເນື່ອງຈາກວ່າແມ່ນໍ້າຂອງໄດ້ເກີດມີໄພນໍ້າຖ້ວມຢ່າງຮ້າຍແຮງ, ລັດຖະບານກໍາປູເຈຍໄດ້ຕົກລົງຈະຍົກເລີກກິດຈະກໍາບຸນນໍ້າທີ່ຈະຈັດຂຶ້ນແຕ່ວັນທີ 16 ຫາວັນທີ 18 ພະຈິກປີນີ້.
