ຍີ່ປຸ່ນກັບອາເມລິກາເລີ່ມຈັດການຊ້ອມຮົບຮ່ວມຢູ່ແຂວງຊີກາເກັນຍີ່ປຸ່ນ
ວັນທີ 8 ຕຸລານີ້, ກອງປ້ອງກັນຕົນເອງທາງບົກຍີ່ປຸ່ນແລະກອງທັບເຮືອທີ່ສູ້ຮົບເທິງບົກອາເມລິກາປະຈໍາຍີ່ປຸ່ນໄດ້ເລີ່ມຈັດການຊ້ອມຮົບຮ່ວມຢູ່ສະໜາມຊ້ອມຮົບ SDF ຂອງນະຄອນຕາກາຊີມາຂອງແຂວງຊີກາເກັນຍີ່ປຸ່ນ.
ສື່ມວນຊົນຍີ່ປຸ່ນລາຍງານວ່າ, ກອງປ້ອງກັນຕົນເອງທາງບົກຍີ່ປຸ່ນແລະກອງທັບອາເມລິກາປະຈໍາຍີ່ປຸ່ນລວມມີ 230 ຄົນເຂົ້າຮ່ວມການຊ້ອມຮົບຄັ້ງນີ້ ແລະການຊ້ອມຮົບຄັ້ງນີ້ຈະດໍາເນີນໄປເຖິງວັນທີ 18 ຕຸລານີ້. ຍົນເຮລີກອບແຕ Osprey ທີ່ມີປີກໝູນວຽນໄດ້ MV-22 ທີ່ປະຈໍາການ ຢູ່ແຂວງໂອກີນາວາຍີ່ປຸ່ນກໍຈະເຂົ້າຮ່ວມການຊ້ອມຮົບຄັ້ງນີ້ໃນວັນທີ 16 ຕຸລານີ້.
ນີ້ແມ່ນຄັ້ງທໍາອິດທີ່ເຮືອນບິນ Osprey ເຂົ້າຮ່ວມການຊ້ອມຮົບຮ່ວມຍີ່ປຸ່ນ-ອາເມລິກາທີ່ຈັດຂຶ້ນຢູ່ຍີ່ປຸ່ນ. ປະຊາຊົນຂອງນະຄອນຕາກາຊີມາຂອງແຂວງຊີກາເກັນໄດ້ຈັດການໂຮມຊຸມນຸມຫລາຍຄັ້ງເພື່ອຄັດຄ້ານເຮືອນບິນ Osprey ເຂົ້າຮ່ວມການຊ້ອມຮົບຢູ່ທ້ອງຖິ່ນນີ້.
