ຜູ້ຊ່ຽວຊານບັນລະຍາຍການໄຂຊ່ອງຄວາມຄິດຂອງ"ທົດສະວັດຄຳ" ຕໍ່ "ທົດສະວັດເພັດມະນີ" ຂອງການພົວພັນຈີນອາຊຽນ
ຕາມຂ່າວCRI: ວັນທີ9ຕຸລານີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນເລີ່ມຢ້ຽມຢາມ3ປະເທດອາຊີຕາເວັນອອກສຽງໃຕ້, ແລະເຂົ້າຮ່ວມບັນດາກອງປະຊຸມສຸດ ຍອດອາຊີຕາເວັນອອກທີ່ຈັດຂື້ນຢູ່ບຼູໄນ. ໃນງານວາງສະແດງສິນຄ້າຈີນ-ອາຊຽນທີ່ໄດ້ຈັດຂຶ້ນໃນເດືອນແລ້ວນີ້, ທ່ານຫຼີເຄີ້ສຽງໄດ້ສະເໜີວ່າຈີນກັບອາຊຽນມີຄວາມສາມາດ , ສ້າງ "ທົດສະວັດເພັດມະນີ"ຕື່ມອີກ, ບົນພື້ນຖານທີ່ໄດ້ສ້າງ "ທົດສະວັດຄຳສຳເລັດ"ນີ້ໄດ້ສະແດງໃຫ້ເຫັນຄວາມຄອງຄອຍຕໍ່ການພົວພັນຈີນອາຊຽນ.
ກ່ຽວກັບເລື່ອງນີ້, ທ່ານຈ່າງຢຸນລີງ, ນັກຄົ້ນຄວ້າທັງເປັນອະດີດຫົວໜ້າສະຖາບັນຄົ້ນຄວ້າອາຊີປາຊີຟິກຂອງສະພາບັນດິດວິທະຍາສັງຄົມຈີນກ່າວວ່າ, "ທົດສະວັດຄຳ" ທີ່ທ່ານຫຼີເຄີ້ສຽງ, ນາຍົກລັດຖະມົນຕີຈີນກ່າວເຖິງນັ້ນແມ່ນການວາດພາບຈີນກັບອາຊຽນໄດ້ເພີ່ມທະວີການຮ່ວມມື, ແລະໄວ້ເນື້ອເຊື່ອໃຈກັນດ້ານການເມືອງໃນ10ປີທີ່ຜ່ານ, "ທົດສະວັດເພັດມະນີ"ແມ່ນການຍົກລະດັບຕື່ມອີກຂອງການຮ່ວມມືລະຫວ່າງສອງຝ່າຍ.
ຫວນຄືນ "ທົດສະວັດຄຳ", ຈີນກັບອາຊຽນໄດ້ຮັບຜົນສຳເລັດດ້ານການຮ່ວມມືຕ່າງໆ, ກ່ຽວກັບບັນຫານີ້, ທ່ານຊຸຊີງ, ຫົວໜ້າສະຖາບັນຄົ້ນຄວ້າບັນຫາສາກົນຈີນເຫັນວ່າ, ຈີນກັບອາຊຽນສ້າງການພົວພັນຄູ່ຍຸດທະສາດມີຄວາມສຳຄັນຫຼາຍ, ທ່າແຮງຂອງສອງຝ່າຍກໍ່ໄດ້ຊຸກຍູ້ການຮ່ວມມືເຊິ່ງກັນແລະກັນ.
ກ່ຽວກັບການພັດທະນາໃນອະນາຄົດ, ທ່ນຫວາງອີ້, ລັດຖະມົນຕີວ່າການກະຊວງການຕ່າງປະເທດຈີນເຄີຍກ່າວຢ່າງເປີດເຜີຍວ່າ, ລັດຖະບານຈີນຊຸດໃໝ່ຍິນດີຖືອາຊຽນໃນຖານະສຳຄັນທີ່ສຸດດ້ານການຕ່າງປະເທດອ້ອມຂ້າງ. ເຊິ່ງສະແດງໃຫ້ເຫັນວ່າ, ອາຊຽນມີຄວາມສຳຄັນຕໍ່ຈີນ.
ໃນເວລາທີ່ຄົນທັງຫຼາຍເອົາໃຈໃສ່ນຳການຮ່ວມມືລະຫວ່າງຈີນ-ອາຊຽນ, ບັນຫາທະເລຈີນໃຕ້ກໍ່ແມ່ນປັດໄຈທີ່ເບິ່ງຂ້າມບໍ່ໄດ້. ກ່ຽວກັບບັນຫານີ້, ທ່ານຊູຊີງເຫັນວ່າ, ກໍຍ້ອນວ່າໃນ10ປີຜ່ານມາຈີນກັບບັນດາປະເທດອາຊຽນໄດ້ແກ້ໄຂຄວາມຂັດແຍ່ງກ່ຽວກັບທະເລຈີນໃຕ້ຢ່າງເໝາະສົມ, ຈຶ່ງເຮັດໃຫ້ "ທົດສະວັດຄໍາ" ປະກົດຜົນເປັນຈິງ. ມຸ່ງໜ້າສູ່ອະນາຄົດ, ການສ້າງສາ "ທົດສະວັດເພັດມະນີ ""ກໍຕ້ອງມີການຄວບຄຸມຢ່າງມີປະສິດທິຜົນຕໍ່ຄວາມເຫັນທີ່ຂັດກັນ.
