ການກ່າວປາຖະກະຖາໃນກອງປະຊຸມສຸດຍອດຜູ້ນໍາອຸດສາຫະກໍາການຄ້າອົງການເອເປັກຂອງທ່ານປະທານສີຈິ້ນຜິງໄດ້ຮັບການຕີລາຄາຢ່າງຕັ້ງໜ້າ
ວັນທີ 7 ຕຸລານີ້, ໃນເວລາເຂົ້າຮ່ວມກອງປະຊຸມສຸດຍອດຜູ້ນໍາອຸດສາຫະກໍາການຄ້າອົງການເອເປັກ, ທ່ານສີຈິ້ນຜິງ, ປະທານປະເທດຈີນໄດ້ກ່າວປາຖະກະຖາສໍາຄັນທີ່ມີຫົວຂໍ້ວ່າ ລົງເລິກປະຕິຮູບແລະເປີດປະຕູສູ່ພາຍນອກ ຮ່ວມກັນສ້າງອະນາຄົດອັນດີງາມຂອງອາຊີປາຊິຟິກ, ຜູ້ຮ່ວມປະຊຸມຕ່າງກໍໄດ້ຕີລາຄາຢ່າງຕັ້ງໜ້າຕໍ່ການກ່າວປາຖະກະຖາຂອງທ່ານປະທານສີຈິ້ນຜິງ.
ທ່ານອີເອຟົນໂສ ກົວຈາໂດ ວິລາແຣນ, ລັດຖະມົນຕີວ່າການກະຊວງເສດຖະກິດແມັກຊິກກ່າວວ່າ, ເບິ່ງໃນແງ່ຂອງແມັກຊິກ, ຈີນໄດ້ເປັນຕົວສະແດງທີ່ສໍາຄັນບົນເວທີໂລກ, ເສດຖະກິດຈີນແຂງແຮງຫລາຍ. ຕໍ່ບັນຫາການຫລຸດຄວາມໄວການຂະຫຍາຍຕົວຂອງເສດຖະກິດຈີນທີ່ປະທານສີຈິ້ນຜິງໄດ້ກ່າວເຖິງໃນການກ່າວປາຖະກະຖາຄັ້ງນີ້, ທ່ານກ່າວວ່າ, ເສດຖະກິດຈີນຍັງຮັກສາອັດຕາເຕີບໂຕທີ່ສູງສົມຄວນ, ນີ້ມີຄວາມໝາຍອັນສໍາຄັນຕໍ່ການພັດທະນາຂອງອົງກອນເສດຖະກິດອື່ນໆໃນໂລກ.
ທ່ານຮາຕາ, ລັດຖະມົນຕີວ່າການກະຊວງການວາງແຜນເປັນເອກະພາບກ່າວວ່າ, ຈີນເປັນອົງກອນເສດຖະກິດໃຫຍ່ອັນດັບທີສອງໃນໂລກ ແລະເປັນຕົວສະແດງທີ່ສໍາຄັນໃນພາກພື້ນນີ້. ປັດຈຸບັນອິນໂດເນເຊຍ-ຈີນໄດ້ຍົກລະດັບເປັນການພົວພັນຄູ່ຍຸດທະສາດຮອບດ້ານ ແລະຈະເຮັດໃຫ້ການຮ່ວມມືລະຫວ່າງສອງປະເທດໄດ້ຮັບຄວາມຄືບໜ້າຫລາຍກວ່າເກົ່າ.
