IMF ປັບຫລຸດການຄາດຄະເນຕໍ່ຄວາມໄວການເຕີບໂຕຂອງເສດຖະກິດໂລກ
ວັນທີ 8 ຕຸລານີ້, ໃນບົດລາຍງານສະພາບເສດຖະກິດຂອງໂລກ ສະບັບຫລ້າສຸດ, ອົງການກອງທຶນການເງິນສາກົນ ຫລື IMF ໄດ້ປັບຫລຸດການຄາດຄະເນຕໍ່ຄວາມໄວການເຕີບໂຕຂອງເສດຖະກິດໂລກໃນປີນີ້ແລະປີໜ້າລົງ ແລະກ່າວເຕືອນວ່າ, ການເຕີບໂຕຂອງເສດຖະກິດໂລກຍັງມີຄວາມໄວຕໍ່າແລະຈະສືບຕໍ່ມີຄວາມສ່ຽງໄພດ້ານການພັດທະນາຈະຕໍ່າລົງ
ບົດລາຍງານຄາດວ່າ, ເສດຖະກິດໂລກໃນປີນີ້ຈະເພີ່ມຂຶ້ນ 2.9% ຖ້າທ່ຽບກັບການຄາດຄະເນໃນເດືອນກໍລະກົດນີ້ໄດ້ປັບຫລຸດລົງ 0.3% ແລະປີໜ້າຈະເພີ່ມຂຶ້ນ 3.6% ຖ້າທ່ຽບກັບການຄາດຄະເນໃນເດືອນກໍລະກົດນີ້ໄດ້ປັບຫລຸດ 0.2%. ອົງກອນເສດຖະກິດທີ່ເກີດຂຶ້ນໃໝ່ຄາດວ່າຈະເພີ່ມຂຶ້ນ 4.5% ແລະອົງກອນເສດຖະກິດທີ່ກໍາລັງພັດທະນາຄາດວ່າຈະເພີ່ມຂຶ້ນ 5.1%. ໃນນັ້ນເສດຖະກິດຈີນຄາດວ່າຈະເພີ່ມຂຶ້ນ 7.6% ໃນປີນີ້ ຖ້າທ່ຽບກັບການຄາດຄະເນໃນເດືອນກໍລະກົດຜ່ານມາໄດ້ປັບຫລຸດລົງ 0.2% ແລະຈະເພີ່ມຂຶ້ນ 7.3% ໃນປີໜ້າ ຖ້າທ່ຽບກັບການຄາດຄະເນໃນເດືອນກໍລະກົດປີນີ້ໄດ້ປັບຫລຸດລົງ 0.4%.
ບົດລາຍງານຊີ້ອອກວ່າ, ອົງກອນເສດຖະກິດທີ່ພັດທະນາແລ້ວນັບມື້ນັບເຂັ້ມແຂງຂຶ້ນ, ແຕ່ວ່າອົງກອນເສດຖະກິດທີ່ເກີດຂຶ້ນໃໝ່ກໍາລັງປະເຊີນໜ້າກັບສິ່ງທ້າທາຍສອງຢ່າງຄືຄວາມໄວຂອງການເຕີບໂຕຕໍ່າລົງແລະຕະຫລາດການທະນາຄານກໍແຄບລົງ.
