ນາຍົກລັດຖະມົນຕີຈີນເດີນທາງໄປເຖິງນະຄອນຫລວງບັນດາສີຣິ ເບກາວັນແລະເລີ່ມຢ້ຽມຢາມບຣູໄນ
ໂດຍຕອບສະໜອງຕາມຄໍາເຊີນຂອງສົມເດັດຮາຊານນານ ໂບນເກຍ, ປະມຸກຂອງບຣູໄນ ດາຣູຊາລາມທີ່ເປັນປະເທດປະທານໝູນວຽນອາຊຽນ, ຕອນບ່າຍວັນທີ 9 ຕຸລານີ້, ທ່ານຫລີເຄີ້ສຽງ, ນາຍົກລັດຖະມົນຕີຈີນ ໄດ້ເດີນທາງໄປເຖິງນະຄອນຫລວງບັນດາສີຣິ ເບກາວັນໂດຍເຮືອບິນພິເສດ ເພື່ອເລີ່ມຢ້ຽມຢາມບຣູໄນແລະເຂົ້າຮ່ວມກອງປະຊຸມຕ່າງໆຜູ້ນໍາອາຊີຕາເວັນອອກ.
ນີ້ແມ່ນຄັ້ງທໍາອິດທີ່ທ່ານນາຍົກລັດຖະມົນຕີຫລີເຄີ້ສຽງໄປຢ້ຽມຢາມ ບຣູໄນ, ສົມເດັດບີຣາ, ເຈົ້າຊາຍບຣູໄນ ດາຣູຊາລາມໄດ້ຈັດພິທີຕ້ອນຮັບທ່ານຫລີເຄີ້ສຽງຢູ່ສະໜາມບິນ. ໃນໄລຍະຢ້ຽມຢາມບຣູໄນ, ທ່ານຫລີເຄີ້ສຽງຈະເຂົ້າຮ່ວມກອງປະຊຸມຜູ້ນໍາອາຊຽນ-ຈີນ ຫລື (10+1) ຄັ້ງທີ 16, ກອງປະຊຸມຜູ້ນໍາອາຊຽນ, ຈີນ ຍີ່ປຸ່ນແລະເກົາຫລີ ຫລື (10+3) ຄັ້ງທີ 16 ແລະກອງປະຊຸມສຸດຍອດອາຊີຕາເວັນອອກຄັ້ງທີ 8 ທັງຈະຈັດການເຈລະຈາກັບສົມເດັດຮາຊານນານ ໂບນເກຍ ປະມຸກຂອງບຣູໄນ ດາຣູຊາລາມ ແລະພົບປະກັບພະບໍຣົມວົງສານຸວົງຂອງບຣູໄນ. ຈີນກັບບຣູໄນຍັງຈະອອກຖະແຫລງການຮ່ວມ.
