ນາຍົກຈີນເດີນທາງໄປຢ້ຽມຢາມສາມປະເທດອາຊຽນ
(GMT+08:00) 2013-10-09 11:01:22 cri
ຕາມຂ່າວ CRI: ຕອນເຊົ້າວັນທີ 9 ເດືອນນີ້, ທ່ານຫຼີເຄີ້ຊຽງ ນາຍົກລັດຖະມົນຕີຈີນໄດ້ເດີນທາງອອກຈາກປັກກິ່ງໄປບຣູໄນ, ເພື່ອເຂົ້າຮ່ວມກອງປະຊຸມສຸດຍອດຕ່າງໆຂອງອາຊີຕາເວັນອອກ, ແລະຈະຢ້ຽມຢາມບຣູໄນ, ໄທແລະຫວຽດນາມຢ່າງເປັນທາງການ.
ນີ້ແມ່ນທ່ານຫຼີເຄີ້ຊຽງໄປຢ້ຽມຢາມຕ່າງປະເທດເປັນຄັ້ງທີ 2 ພາຍໃນປີນີ້, ກໍແມ່ນເທື່ອທຳອິດທີ່ທ່ານໄປເຂົ້າຮ່ວມກອງປະຊຸມສຸດຕ່າງໆຂອງອາຊີຕາເວັນອອກພາຍຫຼັງທ່ານໄດ້ຂຶ້ນດຳລົງຕຳແໜ່ງນາຍົກລັດຖະມົນຕີຂອງຈີນແລ້ວ, ກອງປະຊຸມສຸດຍອດທີ່ທ່ານຈະໄປເຂົ້າຮ່ວມນັ້ນມີກອງປະຊຸມສຸດຍອດຈີນ-ອາຊຽນຄັ້ງທີ 16, ກອງປະຊຸມສຸດຍອດອາຊຽນກັບຈີນ,ຍີ່ປຸ່ນແລະສາທາລະນະລັດເກົາຫຼີຄັ້ງທີ 16 ແລະກອງປະຊຸມສຸດຍອດອາຊີຕາເວັນອອກຄັ້ງທີ 8.
ຫວ່າງກ່ອນນີ້ບໍ່ດົນ, ກະຊວງການຕ່າງປະເທດຈີນກ່າວວ່າ, ໃນໄລຍະເຂົ້າຮ່ວມກອງປະຊຸມຕ່າງໆ, ທ່ານຫຼີເຄີ້ຊຽງ ນາຍົກລັດຖະມົນຕີຈີນຈະບັນຍາຍນະໂຍບາຍການຕ່າງປະເທດຂອງລັດຖະບານຊຸດໃໝ່ຂອງຈີນທີ່ຈະເພີ່ມທະວີການພົວພັນກັບອາຊຽນ, ແລະຈະຮ່ວມກັບຜູ້ນຳຂອງອາຊຽນວາງແຜນການພັດທະນາການພົວພັນລະຫວ່າງສອງຝ່າຍໃນອະນາຄົດ, ກໍ່ສ້າງ"ທົດສະວັດເພັດມະນີ", ພ້ອມທັງບັນຍາຍຈຸດຢືນແລະຄວາມເຫັນກ່ຽວກັບການຮ່ວມມືລະຫວ່າງສອງຝ່າຍໃນຂົງເຂດຕ່າງໆ, ເປັນຕົ້ນແມ່ນ: ຄວາມປອດໄພດ້ານການເມືອງ, ເສດຖະກິດການຄ້າ, ການເຊື່ອມຈອດກັນ, ການຮ່ວມມືທາງທະເລ, ວັດທະນະທຳແລະອື່ນໆ.
ການຢ້ຽມຢາມບຣູໄນ,ໄທແລະຫວຽດນາມຈະແມ່ນເທື່ອທຳອິດທີ່ຜູ້ນຳລັດຖະບານຊຸດໃໝ່ຂອງຈີນໄປຢ້ຽມຢາມສາມປະເທດດັ່ງກ່າວ. ໃນໄລຍະຢ້ຽມຢາມ ທ່ານຫຼີເຄີ້ຊຽງຈະພົບປະກັບບຸກຄົນສຳຄັນດ້ານການເມືອງຂອງສາມປະເທດດັ່ງກ່າວແລະຈະເຂົ້າຮ່ວມກິດຈະກຳຕ່າງໆໃນຂົງເຂດການເມືອງ, ເສດຖະກິດການຄ້າແລະວັດທະນະທຳ.
ນີ້ແມ່ນທ່ານຫຼີເຄີ້ຊຽງໄປຢ້ຽມຢາມຕ່າງປະເທດເປັນຄັ້ງທີ 2 ພາຍໃນປີນີ້, ກໍແມ່ນເທື່ອທຳອິດທີ່ທ່ານໄປເຂົ້າຮ່ວມກອງປະຊຸມສຸດຕ່າງໆຂອງອາຊີຕາເວັນອອກພາຍຫຼັງທ່ານໄດ້ຂຶ້ນດຳລົງຕຳແໜ່ງນາຍົກລັດຖະມົນຕີຂອງຈີນແລ້ວ, ກອງປະຊຸມສຸດຍອດທີ່ທ່ານຈະໄປເຂົ້າຮ່ວມນັ້ນມີກອງປະຊຸມສຸດຍອດຈີນ-ອາຊຽນຄັ້ງທີ 16, ກອງປະຊຸມສຸດຍອດອາຊຽນກັບຈີນ,ຍີ່ປຸ່ນແລະສາທາລະນະລັດເກົາຫຼີຄັ້ງທີ 16 ແລະກອງປະຊຸມສຸດຍອດອາຊີຕາເວັນອອກຄັ້ງທີ 8.
ຫວ່າງກ່ອນນີ້ບໍ່ດົນ, ກະຊວງການຕ່າງປະເທດຈີນກ່າວວ່າ, ໃນໄລຍະເຂົ້າຮ່ວມກອງປະຊຸມຕ່າງໆ, ທ່ານຫຼີເຄີ້ຊຽງ ນາຍົກລັດຖະມົນຕີຈີນຈະບັນຍາຍນະໂຍບາຍການຕ່າງປະເທດຂອງລັດຖະບານຊຸດໃໝ່ຂອງຈີນທີ່ຈະເພີ່ມທະວີການພົວພັນກັບອາຊຽນ, ແລະຈະຮ່ວມກັບຜູ້ນຳຂອງອາຊຽນວາງແຜນການພັດທະນາການພົວພັນລະຫວ່າງສອງຝ່າຍໃນອະນາຄົດ, ກໍ່ສ້າງ"ທົດສະວັດເພັດມະນີ", ພ້ອມທັງບັນຍາຍຈຸດຢືນແລະຄວາມເຫັນກ່ຽວກັບການຮ່ວມມືລະຫວ່າງສອງຝ່າຍໃນຂົງເຂດຕ່າງໆ, ເປັນຕົ້ນແມ່ນ: ຄວາມປອດໄພດ້ານການເມືອງ, ເສດຖະກິດການຄ້າ, ການເຊື່ອມຈອດກັນ, ການຮ່ວມມືທາງທະເລ, ວັດທະນະທຳແລະອື່ນໆ.
ການຢ້ຽມຢາມບຣູໄນ,ໄທແລະຫວຽດນາມຈະແມ່ນເທື່ອທຳອິດທີ່ຜູ້ນຳລັດຖະບານຊຸດໃໝ່ຂອງຈີນໄປຢ້ຽມຢາມສາມປະເທດດັ່ງກ່າວ. ໃນໄລຍະຢ້ຽມຢາມ ທ່ານຫຼີເຄີ້ຊຽງຈະພົບປະກັບບຸກຄົນສຳຄັນດ້ານການເມືອງຂອງສາມປະເທດດັ່ງກ່າວແລະຈະເຂົ້າຮ່ວມກິດຈະກຳຕ່າງໆໃນຂົງເຂດການເມືອງ, ເສດຖະກິດການຄ້າແລະວັດທະນະທຳ.
