ວັນທີ 10 ຕຸລານີ້, ກະຊວງປ້ອງກັນປະເທດສ.ເກົາຫລີລາຍງານວ່າ, ການຊ້ອມຮົບຮ່ວມເທິງທະເລ ລະຫວ່າງສ.ເກົາຫລີ,ອາເມລິກາແລະຍີ່ປຸ່ນໄດ້ຈັດຂຶ້ນຢູ່ເຂດທະເລພາກໃຕ້ສ.ເກົາຫລີໃນວັນດຽວກັນ.
ການຊ້ອມຮົບຄັ້ງນີ້ຈະດໍາເນີນໄປເປັນເວລາສອງມື້. ກໍາປັ່ນອາເມລິກາທີ່ເຂົ້າຮ່ວມການຊ້ອມຮົບຄັ້ງນີ້ລວມທັງກໍາປັ່ນບັນທຸກເຮືອບິນທີ່ໃຊ້ພະລັງງານນິວເຄຼຍ ຊື່ວ່າ ຈອກສ ວໍຊິງຕັນ, ກໍາປັ່ນລາດຕະເວນທີ່ປະກອບລູກສອນໄຟນໍາວິຖີ, ກໍາປັ່ນຂັບໄລ່ທີ່ປະກອບລູກສອນໄຟນໍາວິຖີ ແລະອື່ນໆ. ກອງທັບເຮືອ ສ.ເກົາຫລີແລະກອງປ້ອງກັນຕົນເອງເທິງທະເລຂອງຍີ່ປຸ່ນກໍໄດ້ສົ່ງ ກໍາປັ່ນຂັບໄລ່ແລະກໍາປັ່ນຄຸ້ມກັນເຂົ້າຮ່ວມໃນການຊ້ອມຮົບຄັ້ງນີ້.
ເຈົ້າໜ້າທີ່ກອງທັບ ສ.ເກົາຫລີກ່າວວ່າ, ການຊ້ອມຮົບຄັ້ງນີ້ແມ່ນການຊ້ອມຮົບໂດຍສວຍໂອກາດທີ່ກໍາປັ່ນບັນທຸເຮືອບິນທີ່ຊື່ວ່າ George Washington ຈອດຢູ່ທ່າເຮືອບູຊານ ສ.ເກົາຫລີ.ໃນຕໍ່ໜ້າ, ກໍາປັ່ນບັນທຸເຮືອບິນຂອງອາເມລິກາຈະຢ້ຽມຢາມ ສ.ເກົາຫລີສອງຫາສາມເທື່ອ ໃນແຕ່ລະປີ ແລະກໍຈະຈັດການຊ້ອມຮົບຮ່ວມກັນໃນແຕ່ລະເທື່ອ.
ກໍາປັ່ນບັນທຸເຮືອບິນອາເມລິກາທີ່ຊື່ວ່າ George Washington ໄດ້ເດີນທາງໄປຮອດທ່າເຮື່ອບູຊານ ສ.ເກົາຫລີ ໃນວັນທີ 4 ຕຸລານີ້. ການຊ້ອມຮົບຮ່ວມເທິງທະເລ ລະຫວ່າງສ.ເກົາຫລີ,ອາເມລິກາແລະຍີ່ປຸ່ນກໍານົດໃຫ້ຈັດຂຶ້ນໃນວັນທີ 8ຕຸລານີ້, ແຕ່ວ່າໄດ້ເລື່ອນເວລາອອກໄປຍ້ອນມີລົມໃຕ້ຝຸ່ນທີ່ຊື່ວ່າ ດານາສ.
© China Radio International.CRI. All Rights Reserved. 16A Shijingshan Road, Beijing, China. 100040 |