ໃນເວລາເຂົ້າຮ່ວມກອງປະຊຸມຜູ້ນໍາອາຊຽນກັບຈີນ, ຍີ່ປຸ່ນ ແລະສ.ເກົາຫລີ ຫລື 10+3 , ທ່ານຫລີເຄີ້ສຽງຊີ້ອອກວ່າ, ຄວາມກ້າວໜ້າອັນຍາວໄກຂອງອາຊີຕາເວັນອອກແມ່ນເນື່ອງຈາກວ່າພາກພື້ນນີ້ບໍ່ມີສົງຄາມເກີດຂຶ້ນ
ຕອນເຊົ້າວັນທີ 10 ຕຸລານີ້, ກອງປະຊຸມຜູ້ນໍາອາຊຽນ, ຈີນ, ຍີ່ປຸ່ນແລະສ.ເກົາຫລີ ຫລື 10+1 ໄດ້ຈັດຂຶ້ນຢູ່ນະຄອນຫລວງບັນດາ ສິຣິເບກາວັນ. ໃນເວລາເຂົ້າຮ່ວມກອງປະຊຸມຄັ້ງນີ້, ທ່ານຫລີເຄີ້ສຽງຊີ້ອອກວ່າ, ຄວາມກ້າວໜ້າອັນຍາວໄກຂອງອາຊີຕາເວັນອອກແມ່ນເນື່ອງຈາກວ່າພາກພື້ນນີ້ບໍ່ມີສົງຄາມເກີດຂຶ້ນ.
ທ່ານຫລີເຄີ້ສຽງກ່າວຕື່ມວ່າ, ພຶດຕິກໍາໄດ້ຢັ້ງຢືນແລ້ວວ່າການຮ່ວມມື10+3ໄດ້ຮັບຜົນສໍາເລັດ ແລະໄດ້ກາຍເປັນຊ່ອງທາງຕົ້ນຕໍແລະເວທີຕົ້ນຕໍຂອງການຮ່ວມມືໃນອາຊີຕາເວັນອອກ. ຄວາມກ້າວໜ້າໃນຊຸມປີມໍ່ໆມານີ້ຂອງອາຊີຕາເວັນອອກແມ່ນເນື່ອງຈາກວ່າພາກພື້ນນີ້ບໍ່ມີສົງຄາມເກີດຂຶ້ນ ເຊິ່ງໄດ້ເຮັດໃຫ້ປະເທດໃນພາກພື້ນນີ້ໄດ້ມີໂອກາດໃນການການພັດທະນາ. ປະເທດຕ່າງໆຄວນຮັກສາສັນຕິພາບແລະສະຖຽນລະພາບຂອງພາກພື້ນ, ກໍາທິດຂອງການຮ່ວມມືແບບຕ່າງຝ່າຍຕ່າງມີຜົນປະໂຫຍດແລະພັດທະນາຮ່ວມກັນຢ່າງໜັກແໜ້ນ. ຖືການພັດທະນາເສດຖະກິດແລະປັບປຸງຊີວິດການເປັນຢູ່ຂອງປະຊາຊົນເປັນສິ່ງທີ່ສໍາຄັນທີ່ສຸດ ເພື່ອເຮັດໃຫ້ການຮ່ວມມືອາຊີຕາເວັນອອກເດີນຕາມເສັ້ນທາງທີ່ພັດທະນາຢ່າງໂປ່ງໃສຢ່າງສະເໝີຕົ້ນສະເໝີປາຍ.
