ທະນາຄານໂລກລາຍງານວ່າ ໃນປີ 2010 ມີເດັກນ້ອຍ 400 ລ້ານຄົນເປັນປະຊາກອນທີ່ທຸກຍາກຂາດເຂີນທີ່ສຸດ
ວັນທີ 10 ຕຸລານີ້, ທະນາຄານໂລກໄດ້ເປີດເຜີຍບົດລາຍງານວ່າ, ເຖິງວ່າໃນ 30 ປີທີ່ຜ່ານມາ, ປະຊາກອນທຸກຍາກຂາດເຂີນທີ່ສຸດໃນທົ່ວໂລກໄດ້ຫລຸດໜ້ອຍລົງກໍຕາມ, ແຕ່ນັບມາຮອດປີ 2010 ຍັງມີເດັກນ້ອຍຈໍານວນ 400 ລ້ານຄົນຢູ່ໃນສະພາບທີ່ທຸກຍາກຂາດເຂີນ.
ບົດລາຍງານນີ້ສະແດງໃຫ້ເຫັນວ່າ, ນັບມາຮອດປີ 2010, ຈໍານວນປະຊາກອນທີ່ທຸກຍາກຂາດເຂີນໃນທົ່ວໂລກໄດ້ຫລຸດລົງເຖິງ 1,2 ຕື້ຄົນ, ແຕ່ວ່າເດັກນ້ອຍຍັງກວມອັດຕາສ່ວນທີ່ຫລາຍສົມຄວນໃນກຸ່ມຄົນທຸກຍາກຂາດເຂີນທີ່ສຸດ. ປະເທດທີ່ມີລາຍໄດ້ລະດັບປານກາງເຊັ່ນຈີນ, ອິນເດຍ ໄດ້ຮັບຜົນສໍາເລັດຫລາຍດ້ານໃນການຫລຸດຜ່ອນຄວາມທຸກຍາກຂາດເຂີນ, ແຕ່ວ່າ ປະເທດທີ່ມີລາຍໄດ້ຕໍ່າຍັງມີຄວາມກ້າວໜ້າຢ່າງຊັກຊ້າ.
ທ່ານຄີມຢົງຈີມ, ຜູ້ວ່າການທະນາຄານໂລກກ່າວວ່າ, ເຖິງວ່າໃນຊຸມປີທີ່ຜ່ານມາ, ປະຊາກອນທີ່ທຸກຍາກຂາດເຂີນທີ່ສຸດໃນທົ່ວໂລກໄດ້ຫລຸດໜ້ອຍລົງຢ່າງຊັດເຈນກໍຕາມ, ແຕ່ວ່າຈໍານວນເດັກນ້ອຍທີ່ທຸກຍາກຂາດເຂີນທີ່ສຸດໄດ້ຕັກເຕືອນພວກເຮົາວ່າ, ວຽກງານຕໍ່ຕ້ານຄວາມທຸກຍາກຂາດເຂີນຍັງບໍ່ທັນສໍາເລັດເທື່ອ.
