ຫ້ອງການຜູ້ວ່າການເຂດບໍລິຫານພິເສດຮົງກົງອອກຖະແຫລງການວ່າ ບໍ່ເຫັນດີນໍາຄໍາເວົ້າຂອງຟິລິບປິນທີ່ວ່າເຫດການຕົວປະກັນໄດ້ຮັບການແກ້ໄຂແລ້ວ
ວັນທີ 11 ຕຸລານີ້, ຫ້ອງການຜູ້ວ່າການເຂດບໍລິຫານພິເສດຮົງກົງໄດ້ອອກຖະແຫລງການ ເພື່ອຕອບໂຕ້ສື່ມວນຊົນຟິລິບປິນທີ່ລາຍງານວ່າຜູ້ວ່າການເຂດບໍລິຫານພິເສດຮົງກົງກັບປະທານາທິບໍດີຟິລິບປິນ "ເຫັນດີປະວາງ" ເຫດການຕົວປະກັນຢູ່ນະຄອນຫລວງມານີລາ.ຖະແຫລງ ການກ່າວວ່າ, ໃນເວລາປະທານາທິບໍດີຟິລິບປິນກ່າວວ່າຖ້າເບິ່ງໃນແງ່ຟິລິບປິນແລ້ວ, ເຫດການຕົວປະກັນໄດ້ຮັບການແກ້ໄຂແລ້ວ, ທ່ານຫລຽງເຈີ້ນຢິ່ງ, ຜູ້ວ່າການເຂດບໍລິຫານພິເສດຮົງກົງກໍກ່າວຢ່າງຈະແຈ້ງວ່າບໍ່ເຫັນດີນໍາຄໍາເວົ້າຂອງຟິລິບຢ່າງທັນທີ່.
ທ່ານຫລຽງເຈີ້ນຢິ່ງກ່າວຢໍ້າວ່າ, ຖ້າວ່າບໍ່ແກ້ໄຂເຫດການຕົວປະກັນຢ່າງເໝາະສົມ ຈະສືບຕໍ່ມີຜົນກະທົບຕໍ່ການພົວພັນລະຫວ່າງຮົງກົງກັບຟິລິບປິນ. ຖະແຫລງການກ່າວວ່າ, ໃນການພົບປະ, ທ່ານຫລຽງເຈີ້ນຢິ່ງໄດ້ສະເໜີວ່າສອງຝ່າຍຈະສົ່ງເຈົ້າໜ້າທີ່ຊັ້ນສູງດໍາເນີນການເຈລະຈາຢ່າງເປັນທາງການກ່ຽວກັບເຫດການຕົວປະກັນແລະສືບຕໍ່ຕິດຕາມເຫດການນີ້ ເຊິ່ງໄດ້ຮັບການເຫັນດີຈາກປະທານາທິບໍດີຟິລິບປິນແລ້ວ.
