ປະຊາຄົມໂລກຕີລາຄາສູງຕໍ່ຂໍ້ສະເໜີຂອງທ່ານຫຼີເຄີ້ສຽງກ່ຽວກັບການເພີ່ມທະວີການພົວພັນຈີນ-ອາຊຽນ
(GMT+08:00) 2013-10-11 15:41:13 cri
ຕາມຂ່າວສານຊິນຮວາ: ຕອນບ່າຍວັນທີ 9 ຕຸລານີ້ ຢູ່ນະຄອນຫຼວງບານດາເຊຣີເບກາວັນແຫ່ງບຣູໄນ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມສຸດຍອດຈີນ-ອາຊຽນຄັ້ງທີ 16 ແລະໄດ້ກ່າວຄຳປາໄສ. ບຸກຄົນສຳຄັນດ້ານການເມືອງ, ນັກວິຊາການແລະສື່ມວນຊົນຂອງຕ່າງປະເທດກ່າວວ່າ, ແນວຄວາມຄຶດອັນລະອຽດແຫ່ງການຍົກລະດັບການຮ່ວມມືລະຫວ່າງຈີນກັບອາຊຽນໃຫ້ສູງຂຶ້ນຕື່ມອີກໃນ 10 ປີຕໍ່ໜ້າທີ່ທ່ານຫຼີເຄີ້ສຽງບັນຍາຍນັ້ນເປັນການເຊີດຊູກຳລັງໃຈຄົນທັງຫຼາຍ, ແລະຈະຊຸກຍູ້ໃຫ້ຈີນກັບອາຊຽນສ້າງການພົວພັນມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືຢ່າງແຂງແຮງ.
ສົມເດັດຮາຊານານ ໂບນເກຍ ຊູນຕານຂອງບຣູໄນຊົງຕັດວ່າ, ຂໍ້ສະເໜີຂອງທ່ານຫຼີເຄີ້ສຽງກ່ຽວກັບການເຈລະຈາເພື່ອຍົກລະດັບເຂດການຄ້າເສລີຈີນ-ອາຊຽນໃຫ້ສູງຂຶ້ນນັ້ນ ຈະເພີ່ມທະວີການພົວພັນທາງເສດຖະກິດລະຫວ່າງພາກພື້ນນີ້ກັບປະເທດຈີນຕື່ມອີກ, ແລະເຮັດໃຫ້ເສດຖະກິດຂອງພາກພື້ນຕົນສາມາດສອດຄ່ອງກັບການປ່ຽນແປງຂອງເສດຖະກິດທົ່ວໂລກ. ເວົ້າສຳລັບການຄ້າລະຫວ່າງຈີນກັບອາຊຽນແລ້ວ, ໄດ້ສ້າງຫຼັກໝາຍທາງຫຼາຍເທື່ອແລ້ວ, ຈີນໄດ້ກາຍເປັນຄູ່ຮ່ວມມືດ້ານການຄ້າທີ່ໃຫຍ່ອັນດັບໜຶ່ງຂອງອາຊຽນໃນ 5 ປີລຽນຕິດ.
ທ່ານເລເລື່ອງມິນ ເລຂາທິການໃຫຍ່ຂອງອາຊຽນກ່າວວ່າ, ປະເທດສະມາຊິກທັງໝົດຂອງອາຊຽນລ້ວນແຕ່ຖືຂໍ້ສະເໜີກ່ຽວກັບການເຈລະຈາເພື່ອຍົກລະດັບເຂດການຄ້າເສລີຈີນ-ອາຊຽນໃຫ້ສູງຂຶ້ນເປັນສັນຍານທີ່ດີ, ນີ້ສະແດງໃຫ້ເຫັນວ່າ ຈີນພວມສຸມກຳລັງເຂົ້າໃນການເພີ່ມທະວີການຮ່ວມມືກັບອາຊຽນໃນ 10 ປີຕໍ່ໜ້າ. ຈີນແມ່ນຄູ່ຮ່ວມມືຕົ້ນຕໍຂອງອາຊຽນໃນຂົງເຂດການຄ້າ ແລະ ເປັນແຫຼ່ງການລົງທຶນໂດຍກົງຈາກຕ່າງປະເທດ, ການຮ່ວມມືລະຫວ່າງສອງຝ່າຍໄດ້ເປັນການເຊີດຊູກຳລັງໃຈຄົນທັງຫຼາຍມາໂດຍຕະຫຼອດ.
ທ່ານຮວງຈິນເຊີງ ຜູ້ຊ່ອຍບັນນາທິການໃຫຍ່ຂອງໜັງສືພິມ"ໂອລີແອນໂຕ"ເຊິ່ງເປັນໜັງສືພິມລາຍວັນຂອງມາເລເຊຍກ່າວວ່າ, ຖ້າປະເທດອາຊຽນຢາກພັດທະນາເສດຖະກິດ ກໍຕ້ອງອາໃສກຳລັງຂອງປະເທດຈີນ. ນັບແຕ່ຜູ້ນຳຊຸດໃໝ່ຂອງຈີນຂຶ້ນຮັບຕຳແໜ່ງເປັນຕົ້ນມາ, ໄດ້ໄປຢ້ຽມຢາມປະເທດອາຊຽນເລື້ອຍໆ, ເຮັດໃຫ້ປະເທດອາຊຽນຮູ້ສຶກເຖິງເຈຕະນາທີ່ດີຂອງຝ່າຍຈີນ, ເຊິ່ງເປັນການເລີ່ມຕົ້ນທີ່ດີໃຫ້ແກ່ການພົວພັນລະຫວ່າງອາຊຽນກັບຈີນໃນ 10 ປີຕໍ່ໜ້າ.
ທ່ານຊົກຕູ ຮອງຫົວໜ້າສະຖາບັນຄົ້ນຄວ້າການພົວພັນສາກົນຂອງສະຖາບັນຄົ້ນຄວ້າກຳປູເຈຍກ່າວວ່າ, ຄຳປາໄສຂອງທ່ານຫຼີເຄີ້ສຽງສະແດງໃຫ້ເຫັນວ່າ, ຈີນຫວັງຢາກໃຫ້ອາຊີຕາເວັນອອກກາຍເປັນພາກພື້ນທີ່ມີການພັດທະນາໂດຍສັນຕິແລະມີສະຖຽນລະພາບ.
ສົມເດັດຮາຊານານ ໂບນເກຍ ຊູນຕານຂອງບຣູໄນຊົງຕັດວ່າ, ຂໍ້ສະເໜີຂອງທ່ານຫຼີເຄີ້ສຽງກ່ຽວກັບການເຈລະຈາເພື່ອຍົກລະດັບເຂດການຄ້າເສລີຈີນ-ອາຊຽນໃຫ້ສູງຂຶ້ນນັ້ນ ຈະເພີ່ມທະວີການພົວພັນທາງເສດຖະກິດລະຫວ່າງພາກພື້ນນີ້ກັບປະເທດຈີນຕື່ມອີກ, ແລະເຮັດໃຫ້ເສດຖະກິດຂອງພາກພື້ນຕົນສາມາດສອດຄ່ອງກັບການປ່ຽນແປງຂອງເສດຖະກິດທົ່ວໂລກ. ເວົ້າສຳລັບການຄ້າລະຫວ່າງຈີນກັບອາຊຽນແລ້ວ, ໄດ້ສ້າງຫຼັກໝາຍທາງຫຼາຍເທື່ອແລ້ວ, ຈີນໄດ້ກາຍເປັນຄູ່ຮ່ວມມືດ້ານການຄ້າທີ່ໃຫຍ່ອັນດັບໜຶ່ງຂອງອາຊຽນໃນ 5 ປີລຽນຕິດ.
ທ່ານເລເລື່ອງມິນ ເລຂາທິການໃຫຍ່ຂອງອາຊຽນກ່າວວ່າ, ປະເທດສະມາຊິກທັງໝົດຂອງອາຊຽນລ້ວນແຕ່ຖືຂໍ້ສະເໜີກ່ຽວກັບການເຈລະຈາເພື່ອຍົກລະດັບເຂດການຄ້າເສລີຈີນ-ອາຊຽນໃຫ້ສູງຂຶ້ນເປັນສັນຍານທີ່ດີ, ນີ້ສະແດງໃຫ້ເຫັນວ່າ ຈີນພວມສຸມກຳລັງເຂົ້າໃນການເພີ່ມທະວີການຮ່ວມມືກັບອາຊຽນໃນ 10 ປີຕໍ່ໜ້າ. ຈີນແມ່ນຄູ່ຮ່ວມມືຕົ້ນຕໍຂອງອາຊຽນໃນຂົງເຂດການຄ້າ ແລະ ເປັນແຫຼ່ງການລົງທຶນໂດຍກົງຈາກຕ່າງປະເທດ, ການຮ່ວມມືລະຫວ່າງສອງຝ່າຍໄດ້ເປັນການເຊີດຊູກຳລັງໃຈຄົນທັງຫຼາຍມາໂດຍຕະຫຼອດ.
ທ່ານຮວງຈິນເຊີງ ຜູ້ຊ່ອຍບັນນາທິການໃຫຍ່ຂອງໜັງສືພິມ"ໂອລີແອນໂຕ"ເຊິ່ງເປັນໜັງສືພິມລາຍວັນຂອງມາເລເຊຍກ່າວວ່າ, ຖ້າປະເທດອາຊຽນຢາກພັດທະນາເສດຖະກິດ ກໍຕ້ອງອາໃສກຳລັງຂອງປະເທດຈີນ. ນັບແຕ່ຜູ້ນຳຊຸດໃໝ່ຂອງຈີນຂຶ້ນຮັບຕຳແໜ່ງເປັນຕົ້ນມາ, ໄດ້ໄປຢ້ຽມຢາມປະເທດອາຊຽນເລື້ອຍໆ, ເຮັດໃຫ້ປະເທດອາຊຽນຮູ້ສຶກເຖິງເຈຕະນາທີ່ດີຂອງຝ່າຍຈີນ, ເຊິ່ງເປັນການເລີ່ມຕົ້ນທີ່ດີໃຫ້ແກ່ການພົວພັນລະຫວ່າງອາຊຽນກັບຈີນໃນ 10 ປີຕໍ່ໜ້າ.
ທ່ານຊົກຕູ ຮອງຫົວໜ້າສະຖາບັນຄົ້ນຄວ້າການພົວພັນສາກົນຂອງສະຖາບັນຄົ້ນຄວ້າກຳປູເຈຍກ່າວວ່າ, ຄຳປາໄສຂອງທ່ານຫຼີເຄີ້ສຽງສະແດງໃຫ້ເຫັນວ່າ, ຈີນຫວັງຢາກໃຫ້ອາຊີຕາເວັນອອກກາຍເປັນພາກພື້ນທີ່ມີການພັດທະນາໂດຍສັນຕິແລະມີສະຖຽນລະພາບ.
