ສານອາເມລິການອະນຸມັດໃຫ້ NSA ສືບຕໍ່ເກັບກຳຂໍ້ມູນລົມໂທລະສັບຂອງປະຊາຊົນ
(GMT+08:00) 2013-10-13 13:46:02 cri
ຕາມຂ່າວ CRI: ສື່ມວນຊົນອາເມລິກາລາຍງານວ່າ, ສານຄວາມລັບອາເມລິກາທີ່ຮັບຜິດຊອບຕິດຕາມການເຄື່ອນໄຫວຂອງຜູ່ກໍ່ການຮ້າຍແລະນັກສືບຂ່າວຕ່າງປະເທດນັ້ນໄດ້ມອບຫມາຍໃຫ້ກົມ ຄວາມຫມັ້ນຄົງແຫ່ງຊາດອາເມລິກາ(NSA)ສືບຕໍ່ເກັບກຳຂໍ້ມູນລົມໂທລະສັບຂອງປະຊາຊົນ.
ວັນທີ 11 ຕຸລານີ້, ທ່ານແຈມສ ແກຼບເບີ ອຳນວຍການຂ່າວກອງແຫ່ງຊາດອາເມລິກາໄດ້ຖະແຫລງຕໍ່ພາຍນອກວ່າ, ຫວ່າງກອ່ນນີ້ບໍ່ດົນ,ລັດຖະບານອາເມລິກາໄດ້ຮ້ອງຂໍຕໍ່ສານຕິດຕາມກວດກາຂ່າວລັບຕ່າງປະເທດກ່ຽວກັບຈະສືບຕໍ່ເກັບກັບຂໍ້ມູນລົມໂທລະສັບຂອງປະຊາຊົນອາເມລິກາ, ປັດຈຸບັນ,ການຮ້ອງຂໍນີ້ໄດ້ຮັບການອະນຸມັດແລ້ວ. ຖະ ແຫລງການຍັງກ່າວເນັ້ນວ່າ, ການເຜີຍຂ່າວນີ້ອອກແມ່ນຫນຶ່ງໃນບັນດາມາດຕະການໃຫມ່ຂອງປະທານາທິບໍດີບາຣັກ ໂອບາມາກ່ຽວກັບຈະຍົກຄວາມໂປ່ງໃສຂອງໂຄງການຕິດຕາມກວດກາດ້ວຍລັດຖະບານໃຫ້ສູງຂຶ້ນ. ແຕ່ກ່ອນຫນ້ານີ້, ທ່ານແກຼບເບີຍເຄີຍເວົ້າຕໍ່ລັດຖະສະພາອາເມລິກາວ່າ, ອົງການຂອງທ່ານບໍ່ເຄີຍເກັບກັບຂໍ້ມູນເຫລົ່ານີ້.
ກ່ອນຫນ້ານີ້, ທ່ານແອັດເວີດ ສະໂນແດັນ ອະດີດພະນັກງານຂອງກົມຄວາມຫມັ້ນຄົງແຫ່ງຊາດອມເມລິກາເຄີຍເປີດເຜີຍວ່າອົງການຂ່າວກອງອາເມລິກາເຄີຍເກັບກຳເອົາຂໍ້ມູນລົມໂທລະສັບຂອງປະຊາຊົນອາເມລິກາເປັນເວລາດົນນານ. ເມື່ອຂ່າວນີ້ຖືກເຜີຍອອກແລ້ວ, ຄວາມເຊື່ອຖືຂອງລັດຖະບານອາເມລິກາຖືກທຳລາຍຢ່າງຫລວງຫລາຍ, ບຸກຄົນທີ່ສົນໃຈນຳການປົກປ້ອງເລື່ອງສ່ວນຕົວແລະຜູ່ວາງກົດຫມາຍພາກັນຮຽກຮ້ອງໃຫ້ໄຕ່ສ່ວນຕໍ່ກົດຫມາຍວ່າດ້ວຍການຕິດຕາມກວດກາຂ່າວລັບຕ່າງປະເທດທີ່ອະນຸມັດໃຫ້ເກັບກຳຂໍ້ມູນເຫລົ່ານີ້ທີ່ປະຕິບັດໃນປັດຈຸບັນ.
