ນາຍົກຈີນຫວັງວ່າຊາວຈີນທີ່ອາໃສຢູ່ໄທຈະຮ່ວມກັນປະກອບສ່ວນເຂົ້າໃນການຮ່ວມມືຢ່າງມີໄມຕີຈິດມິດຕະພາບລະຫວ່າງຈີນໄທ
(GMT+08:00) 2013-10-13 13:46:51 cri
ຕອນທ່ຽງວັນທີ 12 ຕຸລານີ້, ທ່ານຫລີເຄີ້ສຽງ, ນາຍົກລັດຖະມົນຕີຈີນໄດ້ເຂົ້າຮ່ວມງານລ້ຽງອາຫານທີ່ຈັດຂຶ້ນເພື່ອເປັນກຽດແກ່ທ່ານຢູ່ສະພາການຄ້າຈີນໄທທີ່ນະຄອນຫລວງບາງກອກແລະໄດ້ກ່າວຄຳປາໄສ.
ທ່ານກ່າວວ່າ, ໃນຫລາຍປີມານີ້, ຊາວຈີນແລະຈີນຕ່າງດ້າວໄດ້ສືບທອດປະເພນີວັດທະນະທຳຂອງຈີນ, ດຸຫມັ່ນຂະຫຍັນພຽນ, ສາມັກຄີກັນແລະຊ່ວຍເຫລືອແກ່ກັນ, ບາກບັ່ນສູ້ຊົນ, ໄດ້ຢູ່ກັບປະຊາຊົນທ້ອງຖີ່ນຢ່າງຖືກຕ້ອງປອງດອງກັນ, ແລະໄດ້ສ້າງພາລະກິດອັນຮຸ່ງເຮືອງໃນປັດຈຸບບັນນີ້, ຊາວຈີນແລະຈີນຕ່າງດ້າວແມ່ນພາກສ່ວນປະກອບອັນສຳຄັນໃນເສດຖະກິດຂອງໄທ, ຂໍອວຍພອນໃຫ້ພາລະກິດຂອງຊາວຈີນແລະຈີນຕ່າງດ້າວທີ່ຢູ່ປະເທດໄທນັ້ນຈະມີຄວາມວັດທະນາຖາວອນຂຶ້ນເລື້ອຍໆ, ນີ້ມີຜົນດີຕໍ່ການພັດທະນາຂອງໄທ, ແລະກໍ່ມີຜົນດີຕໍ່ການໄດ້ຮັບຜົນປະໂຫຍດຮ່ວມກັນຂອງຈີນແລະໄທ.
ທ່ານຫລີເຄີ້ສຽງຊີ້ອອກວ່າ, ລະຫວ່າງຈີນໄທ, ມິດຕະພາບທີ່ສະຫນິດສະຫນົມເຫມື່ອນດ່ັງຄົນໃນຄອບຄົວດຽວ, ການຮ່ວມມືລະຫວ່າງຈີນໄທມີອະນາຄົດອັນກ້ວາງຂວາງ.ໃນໄລຍະຢ້ຽມຢາມ, ລັດຖະບານສອງປະເທດໄດ້ຕົກລົງສັນຍາຮ່ວມມືຫລາຍສະບັບ, ນີ້ຈະສ້າງພື້ນຖານແຫ່ງມິດຕະພາບລະຫວ່າງຈີນໄທໃຫ້ຫມັ້ນແກ່ນກວ່າເກົ່າ, ແລະໄດ້ນຳເອົາຊ່ອງຫວ່າງການຮ່ວມມືທີ່ໃຫຍ່ກວ່າເກົ່າມາໃຫ້ວິສາຫະກິດຂອງສອງປະເທດ, ແລະຈະນຳເອົາໂອກາດການທຸລະກິດຫລາຍກວ່າເກົ່າແກ່ນັກທຸລະກິດຈີນທີ່ຢູ່ໄທເຊັ່ນດຽວກັນ.
ປະເທດໄທມີຊາວຈີນແລະຈີນຕ່າງດ້າວທີ່ອາໃສຢູ່ນັ້ນເກືອບ 10 ລ້ານຄົນ, ແມ່ນບ່ອນຫນຶ່ງທີ່ມີຊາວຈີນຈຳນວນຫລວງຫລາຍອາໃສຢູ່ອາຊີຕາເວັນອອກສຽງໃຕ້.
