ທ່ານຫລີເຄີ້ສຽງສິ້ນສຸດການຢ້ຽມຢາມຢ່າງເປັນທາງການຢູ່ປະເທດໄທແລ້ວເລີ່ມຢ້ຽມຢາມຫວຽດນາມຢ່າງເປັນທາງການ
(GMT+08:00) 2013-10-13 16:25:28 cri
ຕອນເຊົ້າວັນທີ 13 ຕຸລານີ້ ຕາມເວລາທ້ອງຖີ່ນ, ທ່ານຫລີເຄີ້ສຽງ ນາຍົກລັດຖະມົນຕີຈີນໄດ້ສິ້ນສຸດການຢ້ຽມຢາມໄທຢ່າງເປັນທາງການແລ້ວເດີນທາງໂດຍຍົນພິເສດຈາກນະຄອນຊຽງໄຫມ່ໄປນະຄອນຫລວງຮ່າໂນຍຂອງຫວຽດນາມ.
ໂດຍຕອບສະຫນອງຄຳເຊີນຂອງທ່ານຫງຽນເຕີນຢົງ, ນາຍົກລັດຖະມົນຕີສາທາລະນະລັດສັງຄົມນິຍົມຫວຽດນາມ, ທ່ານຫລີເຄີ້ສຽງໄດ້ເດີນທາງໄປຮອດນະຄອນຫລວງຮ່າໂນຍໃນຕອນບ່າຍວັນທີ 13 ຕຸລານີ້, ເລີ່ມຢ້ຽມຢາມຫວຽດນາມຢ່າງເປັນທາງການ.
ໃນໄລຍະຢ້ຽມຢາມ, ທ່ານຫລີເຄີ້ສຽງຈະພົບປະເຈລະຈາກັບທ່ານຫງຽນເຕີນຢົງ, ແລະຍັງຈະພົບປະກັບຜູ່ນຳຫວຽດນາມທ່ານອື່ນໆ, ເຊັ່ນທ່ານຫງຽນຟູຈົງ ເລຂາທິການໃຫຍ່ສູນກາງພັກກອມມູນິດຫວຽດນາມ, ທ່ານຈຶງ ເຕິງຊາງ ປະທານປະເທດຫວຽດນາມ, ແລະທ່ານຫງຽນເຊັ່ງຫົ້ງ ປະທານສະພາແຫ່ງຊາດຫວຽດນາມ, ຈະແລກປ່ຽນຄວາມເຫັນກັນກ່ຽວກັບການຂະຫຍາຍການພົວພັນແລະການຮ່ວມມືລະຫວ່າງຈີນກັບຫວຽດນາມ.ສອງປະເທດຈະເຊັນແລະປະກາດເອກະສານແລະສັນຍາຮ່ວມມືຫລາຍສະບັບ.
