ໃນເວລາທ່ຽວຊົມສວນງານວາງສະແດງສິນລະປະສວນສາກົນຂອງຊຽງໃໝ່, ທ່ານຫຼີເຄີ້ຊຽງກ່າວເນັ້ນວ່າ, ເພີ່ມທະວີການແລກປ່ຽນວັດທະນະທຳລະຫວ່າງຈີນໄທ, ເພີ່ມທະວີຄວາມຮັກແພງລະຫວ່າງປະຊາຊົນສອງຊາດ
ຕາມຂ່າວສານຊິນຮວາ: ຕອນບ່າຍວັນທີ12 ຕຸລານີ້, ທ່ານຫຼີເຄີ້ຊຽງ ນາຍົກລັດຖະມົນຕີຈີນໄດ້ອອກເດີນທາງຈາກບາງກອກໄປຢ້ຽມຢາມຊຽງໃໝ່ ນະຄອນພາກເໜືອຂອງໄທ. ພາຍໃຕ້ການເປັນເພື່ອນຂອງທ່ານນາງຍິງລັກ ຊິນນະວັດ ນາຍົກລັດຖະມະຕີໄທ, ທ່ານຫຼີ້ເຄີ້ຊຽງໄດ້ທ່ຽວຊົມສວນງານວາງສະແດງສິນລະປະສວນສາກົນ.
ທ່ານຫຼີເຄີ້ຊຽງແລະທ່ານນາງຍິງລັກໄດ້ມາຊົມເບິ່ງ "ສວນຖາງຈີນ" . ທ່ານຫຼີເຄີ້ຊຽງກ່າວວ່າ, "ສວນຖາງຈີນ"ໄດ້ສະແດງໃຫ້ເຫັນສີສັນພິເສດຂອງສິ່ງກໍ່ສ້າງໃນສວນດັ້ງເດີມຈີນ, ໂດຍຜ່ານທ່ຽວຊົມ "ສວນຖາງ", ປະຊາຊົນໄທສາມາດເຂົ້າໃຈຄວາມຮັບຮູ້ຕໍ່ວັດທະນະທຳສິນລະປະສວນຂອງຈີນ. ທ່ານຊີ້ອອກວ່າ, "ສວນຖາງຈີນ" ສ້າງຕັ້ງຂຶ້ນຢູ່ຊຽງໃໝ່, ເປັນສັນຍາລັກຂອງການແລກປ່ຽນວັດທະນະທຳລະຫວ່າງສອງປະເທດ, ກໍ່ແມ່ນສັກຂີພິຍານຂອງໄມຕີຈິດຕິດຕະພາບປະຊາຊົນສອງຊາດ.
ໃນຕອນຄ່ຳມື້ດຽວກັນ, ທ່ານນາງຍິງລັກໄດ້ຈັດງານລ້ຽງອາຫານທີ່ມີສີສັນພິເສດຂອງຊົນເຜົ່າພາກເໜືອໄທເພື່ອເປັນກຽດແກ່ທ່ານຫຼີເຄີ້ຊຽງຢູ່ສວນງານວາງສະແດງສິນລະປະສວນສາກົນ. ສິລະປິນໄທໄດ້ສະແດງລາຍການສິລະປະທີ່ມີສີສັນພິເສດຈີນແລະໄທ.
