ໂຄສົກກະຊວງການຕ່າງປະເທດຈີນຕອບຄຳຖາມຂອງນັກຂ່າວກ່ຽວກັບສະພາເອີລົບລົງມະຕິກ່ຽວພັນເຖິງໄຕ້ຫວັນ
ຕາມຂ່າວສານຊິນຮວາ: ວັນທີ12 ຕຸລານີ້, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບສະພາເອີລົບລົງມະຕິກ່ຽວພັນເຖິງໄຕ້ຫວັນ. ທ່ານນາງຮວ້າຊຸ່ນຢິງກ່າວວ່າ, ບັນຫາໄຕ້ຫວັນແມ່ນວຽກງານພາຍໃນຂອງຈີນ, ລັດຖະບານຈີນເດັດດ່ຽວຄັດຄ້ານອິດທິກຳລັງພາຍນອກໃດເຂົ້າແຊກແຊງ.
ຕາມລາຍງານວ່າ, ສະພາເອີລົບໄດ້ຮັບຮອງເອົາມະຕິກ່ຽວກັບການພົວພັນເສດຖະກິດການຄ້າລະຫວ່າງສະຫະພາບເອີລົບກັບໄຕ້ຫວັນໃນວັນທີ 9 ຕຸລານີ້, ຮຽກຮ້ອງຄະນະກຳມະການສະຫະພາບເອີລົບເລີ່ມດຳເນີນານເຈລະຈາກັບໄຕ້ຫວັນກ່ຽວກັບສັນຍາຮັບປະກັນການລົງທຶນແລະການອະນຸມັດເຂົ້າຕະຫຼາດ, ເພື່ອລົງເລິກການພົວພັນດ້ານເສດຖະກິດການຄ້າລະຫວ່າງສອງຝ່າຍ.
ທ່ານນາງຮວ້າຊຸ່ນຢິງກ່າວວ່າ, ຝ່າຍຈີນບໍ່ມີຄວາມເຫັນຫຍັງຕໍ່ສະຫະພາບເອີລົບດຳເນີນການໄປມາຫາສູ່ກັນດ້ານເສດຖະກິດການຄ້າກັບປະຊາຊົນໄຕ້ຫວັນ, ແຕ່ຄັດຄ້ານສອງຝ່າຍຂະຫຍາວການພົວພັນຝ່າຍທາງການ. ຫວັງໃຫ້ຝ່າຍເອີລົບພິຈະລະນາເຖິງການພົວພັນຈີນເອີລົບເຊິ່ງເປັນພາກສ່ວນໃຫຍ່, ເຄົາລົບຫຼັກການຈີນດຽວ, ຊຳລະແກ້ໄຂບັນຫາທີ່ກ່ຽວພັນເຖິງໄຕ້ຫວັນຢ່າງລະມັດລະວັງ, ຢ່າດຳເນີນການໄປມະຫາສູ່ກັນຝ່າຍທາງການຫຼືຫາລືເຊັນສັນຍາໃດທີ່ມີລັກສະນະຝ່າຍທາງການ. ຫວັງໃຫ້ສະພາເອີລົບຈົ່ງເຮັດເລື່ອງທີ່ມີຜົນດີຕໍ່ການພົວພັນລະຫ່າງຈີນເອີລົບຂະຫຍາຍຕົວຢ່າງປອດໃສ.
