ສື່ມວນຊົນຫວຽດນາມຕີລາຄາຢ່າງຕັ້ງໜ້າຕໍ່ການຢ້ຽມຢາມຫວຽດນາມຂອງທ່ານຫຼີເຄີ້ສຽງ
(GMT+08:00) 2013-10-14 18:52:02 cri
ຕາມຂ່າວCRI: ວັນທີ13ຕຸລານີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ເດີນທາງເຖິງນະຄອນຫຼວງຮ່າໂນ້ຍຂອງຫວຽດນາມເລີ່ມຢ້ຽມຢາມຫວຽດນາມຢ່າງເປັນທາງການ. ໃນມື້ດຽວກັນ, ທ່ານຫຼີເຄີ້ສຽງກັບທ່ານຫງວຽນເຕິນຢຸງ, ນາຍົກລັດຖະມົນຕີຫວຽດນາມໄດ້ພົບປະເຈລະຈາເປັນເວລາ2ຊົ່ວໂມງປາຍ, ໂດຍໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບການລົງເລິກການພົວພັນຄູ່ຮ່ວມມືຍຸດທະສາດຮອບດ້ານລະຫວ່າຈີນກັບຫວຽດນາມ, ໄດ້ບັນລຸຄວາມເຫັນເປັນເອກະສັນກັນອັນສຳຄັນ. ສື່ມວນຊົນຫວຽດນາມໄດ້ມີຄວາມສົນໃຈໃນລະດັບສູງຕໍ່ການຢ້ຽມຢາມຄັ້ງນີ້ຂອງທ່ານຫຼີເຄີ້ສຽງ, ແລະໄດ້ຕີລາຄາສູງຕໍ່ການຢ້ຽມຢາມຄັ້ງນີ້.
ຫົວໜ້າຂອງຂ່າວສານຫວຽດນາມສາຂາປັກກິ່ງກ່າວໃນເວລາໃຫ້ສຳພາດຕໍ່ນັກຂ່າວCRIວ່າ, ຫວຽດນາມຄອງຄອຍການຢ້ຽມຢາມຫວຽດນາມຄັ້ງນີ້ຂອງທ່ານຫຼີເຄີ້ສຽງສາມາດຊຸກຍູ້ການພົວພັນດ້ານເສດຖະກິດການຄ້າລະຫວ່າງສອງປະເທດໃຫ້ກ້າວເຂົ້າສູ່ລະດັບສູງກວ່າເກົ່າ.
《ໜັງສືພິມປະຊາຊົນ》ສຽງຂອງສູນກາງພັກກອມມູນິດຫວຽດນາມໄດ້ພິມບົດນຳທີ່ມີຫົວຂໍ້ວ່າ《ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມກັບຈີນ》, ໂດຍໄດ້ຕີລາຄາຢ່າງຕັ້ງໜ້າຕໍ່ການຢ້ຽມຢາມຫວຽດນາມຄັ້ງນີ້ຂອງທ່ານຫຼີເຄີ້ສຽງ, ແລະຫວັງວ່າການຢ້ຽມຢາມຫວຽດນາມຂອງທ່ານຫຼີເຄີ້ສຽງຄັ້ງນີ້ຈະຊຸກຍູ້ການພັດທະນາການພົວພັນໃນດ້ານຕ່າງໆລະຫວ່າງຫວຽດນາມກັບຈີນ, ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ, ສະຖຽນລະພາບແລະການພັດທະນາຂອງພາກພື້ນກໍຄືຂອງໂລກ.
ເວັບໄຊ<ຕຽນພົງອົງໄລ>ຂອງໜັງສືພິມຕຽນຟັງຂອງຫວຽດນາມກໍ່ໄດ້ລາຍງານຂ່າວກ່ຽວກັບການຢ້ຽມຢາມຫວຽດນາມຂອງທ່ານຫຼີເຄີ້ສຽງ, ນາຍົກລັດຖະມົນຕີຈີນຢ່າງທັນການ. ຂ່າວລາຍງານວ່າ, ກ່ຽວກັບຄວາມຂັດແຍ້ງກັນໃນບັນຫາທະເລຈີນໃຕ້, ສອງຝ່າຍຈະສືບຕໍ່ຍຶດໝັ້ນຄວາມຮັບຮູ້ທີ່ເປັນເອກະສັນກັນຂອງການນຳສອງພັກ, ສອງປະເທດ, ຍຶດໝັ້ນແກ້ໄຂຄວາມຂັດແຍ້ງດ້ວຍການປຶກສາຫາລືແລະເຈລະຈາກັນຢ່າງມີໄມຕີຈິດມິດຕະພາບ.
ຫົວໜ້າຂອງຂ່າວສານຫວຽດນາມສາຂາປັກກິ່ງກ່າວໃນເວລາໃຫ້ສຳພາດຕໍ່ນັກຂ່າວCRIວ່າ, ຫວຽດນາມຄອງຄອຍການຢ້ຽມຢາມຫວຽດນາມຄັ້ງນີ້ຂອງທ່ານຫຼີເຄີ້ສຽງສາມາດຊຸກຍູ້ການພົວພັນດ້ານເສດຖະກິດການຄ້າລະຫວ່າງສອງປະເທດໃຫ້ກ້າວເຂົ້າສູ່ລະດັບສູງກວ່າເກົ່າ.
《ໜັງສືພິມປະຊາຊົນ》ສຽງຂອງສູນກາງພັກກອມມູນິດຫວຽດນາມໄດ້ພິມບົດນຳທີ່ມີຫົວຂໍ້ວ່າ《ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມກັບຈີນ》, ໂດຍໄດ້ຕີລາຄາຢ່າງຕັ້ງໜ້າຕໍ່ການຢ້ຽມຢາມຫວຽດນາມຄັ້ງນີ້ຂອງທ່ານຫຼີເຄີ້ສຽງ, ແລະຫວັງວ່າການຢ້ຽມຢາມຫວຽດນາມຂອງທ່ານຫຼີເຄີ້ສຽງຄັ້ງນີ້ຈະຊຸກຍູ້ການພັດທະນາການພົວພັນໃນດ້ານຕ່າງໆລະຫວ່າງຫວຽດນາມກັບຈີນ, ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ, ສະຖຽນລະພາບແລະການພັດທະນາຂອງພາກພື້ນກໍຄືຂອງໂລກ.
ເວັບໄຊ<ຕຽນພົງອົງໄລ>ຂອງໜັງສືພິມຕຽນຟັງຂອງຫວຽດນາມກໍ່ໄດ້ລາຍງານຂ່າວກ່ຽວກັບການຢ້ຽມຢາມຫວຽດນາມຂອງທ່ານຫຼີເຄີ້ສຽງ, ນາຍົກລັດຖະມົນຕີຈີນຢ່າງທັນການ. ຂ່າວລາຍງານວ່າ, ກ່ຽວກັບຄວາມຂັດແຍ້ງກັນໃນບັນຫາທະເລຈີນໃຕ້, ສອງຝ່າຍຈະສືບຕໍ່ຍຶດໝັ້ນຄວາມຮັບຮູ້ທີ່ເປັນເອກະສັນກັນຂອງການນຳສອງພັກ, ສອງປະເທດ, ຍຶດໝັ້ນແກ້ໄຂຄວາມຂັດແຍ້ງດ້ວຍການປຶກສາຫາລືແລະເຈລະຈາກັນຢ່າງມີໄມຕີຈິດມິດຕະພາບ.
