ຈີນແລະອັງກິດຈະຮ່ວມມືພັດທະນາໂຄງການເມືອງສະໜາມບິນມານເຊດສເຕີ
ວັນທີ 13 ຕຸລານີ້, ທ່ານໂຈສ ໂອສເບີນ, ລັດຖະມົນຕີວ່າການກະຊວງການເງິນອັງກິດເປີດເຜີຍວ່າ, ຈີນແລະອັງກິດຈະຮ່ວມມືພັດທະນາໂຄງການເມືອງສະໜາມບິນມານ ເຊດສເຕີເຊິ່ງເປັນໂຄງການພັດທະນາໃຫຍ່ທີ່ສຸດຂອງເອີຣົບໃນປັດຈຸບັນທີ່ມີມູນຄ່າຈໍານວນ 800 ລ້ານ ປອນ ຫລື 10,072 ກີບ.
ຕາມສັນຍານ, ກຸ່ມບໍລິສັດຈຽນກົງປັກກິ່ງກັບກຸ່ມບໍລິສັດສະໜາມບິນມານຊິນສເຕີຈະຮ່ວມມືກັນ ແລະຈະອອກທຶນຕັ້ງວິສາຫະກິດຮ່ວມທຶນໂດຍຮ່ວມກັບບໍລິສັດກໍ່ສ້າງ Carillion ແລະ ກອງທຶນເບ້ຍບໍານານມານເຊດສເຕີ ຫລື GMPF ເພື່ອສ້າງໂຄງການ"ເມືອງສະໜາມບິນ"ຮ່ວມກັນ. ໃນຖານະເປັນໜຶ່ງໃນໂຄງການພັດທະນາໃຫຍ່ທີ່ສຸດຂອງເອີຣົບ, "ເມືອງສະໜາມບິນ" ຈະອໍານວຍເຂດການຄ້າທີ່ມີເນື້ອທີ່ 5 ລ້ານຕາລາງຟຸດ ຫລື 46 ເຮັກຕາ ເຊິ່ງລວມທັງການຜະລິດ, ສາງເກັບມ້ຽນສິນຄ້າ, ຕຶກອາຄານສໍານັກງານຫ້ອງການ, ໂຮງແຮມ, ການຄ້າຂາຍຍ່ອຍແລະສິ່ງກໍ່ສ້າງບັນເທິງ ແລະຈະສ້າງໂອກາດການປະກອບອາຊີບ 16000 ຕໍາແໜ່ງ.
ທ່ານໂອສເບີນ, ລັດຖະມົນຕີວ່າການກະຊວງການເງິນອັງກິດກ່າວວ່າ, ທ່ານຮູ້ສຶກປິຕິຊົມຊື່ນເປັນຢ່າງຍິ່ງທີ່ຈະໄດ້ເຫັນໂອກາດຂອງການປະກອບອາຊີບແລະໂອກາດດ້ານການຄ້າໃໝ່ໄປຄຽງຄູ່ກັບການພັດທະນາຂອງເມືອງສະໜາມບິນ. ອັງກິດຕ້ອງຮັບປະກັນການລົງທຶນທີ່ມາຈາກຕ່າງປະເທດໂດຍສະເພາະມາຈາກຈີນໃຫ້ສາມາດໄປເຖິງທ້ອງຖິ່ນຕ່າງໆຂອງອັງກິດໄດ້ ແລະຊຸກຍູ້ການຟື້ນຕົວຂອງເສດຖະກິດທ້ອງຖິ່ນຕ່າງໆຂອງອັງກິດ.
